నటనతో ఆకట్టుకున్న సమంత
నవంబర్ 11 (ఆంధ్రపత్రిక): తెలుగులో లేడీ ఓరియెంటెడ్ సినిమాలతో ప్రేక్షకులను థియేటర్లకు రప్పించగల సత్తా ఉన్న కథానాయికల్లో సమంత ఒకరు. యు టర్న్.. ఓ బేబీ లాంటి చిత్రాలతో మెప్పించిన సామ్.. ఇప్పుడు ’యశోద’గా ప్రేక్షకుల ముందుకు వచ్చింది. తమిళ దర్శకులు హరి`హరీష్ రూపొందించిన ఈ చిత్రం శుక్రవారం ప్రేక్షకుల ముందుకు వచ్చింది. యశోద (సమంత) ఒక మధ్య తరగతి అమ్మాయి. డబ్బుల కోసం సరోగసీ ద్వారా బిడ్డను కనడానికి సిద్ధ పడ్డ ఆమె ఒక పెద్ద సంస్థతో కాంట్రాక్టు కుదుర్చుకుని గర్భం దాల్చిన దగ్గర్నుంచి డెలివరీ వరకు ఒక రహస్య ప్రాంతంలోని భవనంలో ఉండేందుకు వెళ్తుంది. అక్కడ ఆమెకు వింత అనుభవాలు ఎదురవుతాయి. అక్కడ ఏదో తేడా జరుగుతోందని ఆమెకు అర్థం అవుతుంది. డెలివరీకి సిద్ధమైన మహిళలు ఒక్కొక్కరుగా అంతర్దానం అవుతుండటంతో దీని వెనుక ఏదో కుట్ర ఉందని యశోద పసిగడుతుంది. ఇంతకీ ఆ మిస్టరీ ఏంటి.. దాన్ని ఛేదించడానికి ఆమె ఏం చేసింది అన్నది మిగతా కథ.’యశోద’ ఫస్ట్ టీజర్ చూసినపుడే ఇదొక భిన్నమైన ప్రయత్నం.. బలమైన కంటెంట్ ఉన్న సినిమా అని అర్థమవుతుంది. తమిళంలో కొన్ని భిన్నమైన సినిమాలు తీసిన హరి`హరీష్.. ’యశోద’ విషయంలోనూ కొత్తగానే ఆలోచించారు. వాళ్లు ఎంచుకున్న పాయింట్.. దాని కోసం చేసిన కసరత్తు విషయంలో అభినందించాలి. కానీ తెరపై దీన్ని కన్విన్సింగ్గా చూపించే విషయంలో ఈ దర్శక ద్వయం తడబడిరది. సెలబ్రెటీలు.. ధనవంతులు సరోగసీ ద్వారా పిల్లల్ని కనడం చాలా మామూలు వ్యవహారంలా మారిన రోజులివి. అందులోనూ ఇటీవల నయనతార అద్దె గర్భంతోనే కవలలకు జన్మనివ్వడం.. దాని చుట్టూ పెద్ద చర్చ జరిగిన నేపథ్యంలో హరి`హరీష్ ఎంచుకున్న పాయింట్ కంటెంపరరీగా అనిపిస్తుంది. ఐతే ఈ సరోగసీకి సంబంధించి ఏదైనా కుట్ర కోణాలను రియలిస్టిగ్గా చూపించి షాకిస్తారని అనుకుంటే.. ఒక ఊహాజనితమైన పాయింట్ తో వేరే రకమైన షాక్ తగులుతుంది ప్రేక్షకులకు. ఈ పాయింట్ సినిమాకు బలమే కాదు.. బలహీనత కూడా అని చెప్పాలి. థ్రిల్లర్ సినిమాలకు ఉండాల్సిన అతి ముఖ్యమైన లక్షణం.. తర్వాత ఏం జరుగుతుందనే ఉత్కంఠ రేకెత్తించడం. ఈ విషయంలో ’యశోద’ సినిమా కొంత వరకు బాగానే సక్సెస్ అయింది. అద్దె గర్భంతో పిల్లల్ని కనడానికి మహిళలందరూ ఒక చోటికి చేరడం.. వారిలో ఒక్కొక్కరు అంతర్దానం అయిపోవడం..ఈ మిస్టరీని ఛేదించడానికి హీరోయన్ చేసే ప్రయత్నాల నేపథ్యంలో కథనం ఒక దశ వరకు ఆసక్తికరంగానే నడుస్తుంది. మిస్టరీని ఛేదించే దిశగా కథానాయిక చేసే సాహసాలకు సంబంధించి కొన్ని లూజ్ ఎండ్స్ ఉన్నా సరే.. ఆ ఎపిసోడ్లు ఓకే అనిపిస్తాయి. ప్రథమార్ధం వరకు కొంచెం వేగంగానే సాగిపోతుంది. ఇక ద్వితీయార్ధం ఆరంభమైన కాసేపటికే కథ తాలూకు అసలు గుట్టేంటో తెలిసిపోతుంది. తెరపై చూస్తున్నదంతా కృత్రిమంగా అనిపించడంతో మిక్డ్స్ ఫీలింగ్ కలుగుతుంది. కథానాయికకు సంబంధించి ట్విస్టు ప్రేక్షకులను ఏమంత ఎగ్జైట్ చేయదు. ఓవరాల్ గా చూస్తే ’యశోద’ డిఫరెంట్ థ్రిల్లర్లు చూడాలనుకునేవారు ఒకసారి ట్రై చేయదగ్గ సినిమానే. సినిమాను పూర్తిగా తన భుజాల విూద సమంత మోసిందనే చెప్పాలి. పాత్ర తాలూకు డిఫరెంట్ షేడ్స్ ను ఆమె బాగా చూపించగలిగింది. యాక్షన్ ఘట్టాలు చూస్తే సామ్ మాత్రమే ఇలాంటివి చేయగలదు అనిపిస్తుంది. ఫిట్నెస్ ఫ్రీక్గా తనకున్న ఇమేజ్ ఆ సన్నివేశాలకు ఉపయోగపడిరది. ఎమోషనల్ సీన్లలో కూడా సామ్ బాగా చేసింది. ముందు అమాయకంగా కనిపించి.. ఆ తర్వాత రూపం మార్చుకునే పాత్రలో ఉన్ని ముకుందన్ ఆకట్టుకున్నాడు. వరలక్ష్మి శరత్ కుమార్ కూడా నెగెటివ్ రోల్ లో ఆకట్టుకుంది. రావు రమేష్ తక్కువ సీన్లలోనే తన ప్రత్యేకతను చాటుకున్నారు. ఆయన పాత్ర కొంత వరకు ’పక్కా కమర్షియల్’ సినిమాను గుర్తుకు తెస్తుంది.
