25న యాదాద్రి శ్రీలక్ష్మీనృసింహస్వామివారి ఆలయం మూసివేత

యాదగిరిగుట్ట,అక్టోబర్‌ 17 (ఆంధ్రపత్రిక): ఈ నెల 25వ తేదీన యాదాద్రి శ్రీలక్ష్మీనృసింహస్వామివారి ఆలయాన్ని మూసివేయనున్నారు. సూర్యగ్రహణం ఏర్పడనున్న నేపథ్యంలో 25న ఉదయం 8.50 నిమిషాల నుంచి మరసటి రోజు ఉదయం 8 గంటల వరకు ఆలయాన్ని మూసివేయనున్నట్లు ఆలయ అధికారులు వెల్లడిరచారు.25న భక్తులచే నిర్వహించాల్సిన నిత్య కల్యాణం, శాశ్వత కల్యాణం, శాశ్వత బ్రహ్మోత్సవం సేవలను రద్దు చేసినట్లు తెలిపారు. 26వ తేదీన స్వాతి నక్షత్రం సందర్భంగా నిర్వహించే శతఘట్టాభిషేకం, సహస్రనామార్చన, సుదర్శన నరసింహ హోమాన్ని రద్దు చేసినట్లు చెప్పారు. 26న సంప్రోక్షణ నిర్వహించి ఉదయం 10:30 గంటల నుంచి ఆలయాన్ని తెరిచి యథావిధిగా స్వామివారి నిత్య కైంకర్యాలు జరిపిస్తామని ఆలయ అధికారులు వెల్లడిరచారు.