మహిళల ప్రీమియర్‌ లీగ్‌ వేలం అప్‌డేట్స్‌

స్మృతి మంధానకు భారీ ధర
మహిళల ప్రీమియర్‌ లీగ్‌ వేలంలో భారత స్టార్‌ ఓపెనర్‌ స్మృతి మంధాన భారీ ధరకు అమ్ముడుపోయింది. రాయల్‌ ఛాలెంజర్స్‌ బెంగళూరు ఫ్రాంచైజీ 3.8 కోట్లకు మంధానను సొం‍తం చేసుకుంది.భారత క్రికెట్‌ నియంత్రణ మండలి ఆధ్వర్యంలో సరికొత్త చరిత్రకు శ్రీకారం జరుగనుంది. తొలిసారి నిర్మహించనున్న మహిళల ప్రీమియర్‌ లీగ్‌ (డబ్ల్యూపీఎల్‌) టి20 టోర్నీ క్రికెటర్ల వేలం కార్యక్రమం సోమవారం మొదలైంది. మధ్యాహ్నం 2 గంటల 30 నిమిషాలకు మొదలైన ఈ కార్యక్రమాన్ని స్పోర్ట్స్‌ 18 చానెల్, జియో సినిమా యాప్‌లో ప్రత్యక్ష ప్రసారం చేస్తున్నారు.మహిళా లీగ్‌ వేలం మహిళ మల్లిక సాగర్‌ నేతృత్వంలో జరగనుండటం విశేషం. మల్లిక 2021లో ప్రొ కబడ్డీ లీగ్‌ వేలం కార్యక్రమాన్ని నిర్వహించింది. మొత్తం 90 బెర్త్‌ల కోసం 409 మంది క్రికెటర్లు వేలం బరిలో ఉన్నారు.