వాయిస్ మెసేజ్ పంపాలనుకున్నప్పుడు కూడా పొరపాటున ఒక్కోసారి వీడియో మెసేజ్ వెళ్లిపోతోంది. వాయిస్ మెసేజ్ బటన్ బదులు వీడియో క్లిక్ అయిపోవడం జరుగుతోంది. దీంతో వినియోగదారులు ఇబ్బందులు పడుతున్నారు. ఇప్పుడు దీనిపై దృష్టి పెట్టిన వాట్సాప్.. ఓ పరిష్కారాన్ని తీసుకొచ్చింది. వీడియో మెసేజ్ ఆప్షన్ ను పూర్తిగా డిసేబుల్ చేసుకొని, అవసరం అయినప్పుడు మాత్రమే వినియోగించుకునేలా కొత్త ఫీచర్ ను తీసుకొచ్చింది.
మెసేజింగ్ యాప్స్ లో గ్లోబల్ లీడర్ వాట్సాప్ అనడం అతిశయోక్తి కాదెమో. మెటా యాజమాన్యంలో నడిచే ఈ ఇన్ స్టంట్ మెసేజ్ యాప్ నకు ప్రపంచ వ్యాప్తంగా యూజర్లకు కలిగి ఉంది. కేవలం మెసేజ్ లు మాత్రమే కాక దానిలో ఇతర ఫీచర్స్ వినియోగదారులకు చాలా ప్రయోజనకరంగా ఉంటాయి. అలాగే వాట్సాప్ యాజమాన్యం కూడా వినియోగదారులకు ఎప్పటికప్పుడు కొత్త ఫీచర్లను పరిచయం చేస్తూ వారి ఆదరణను పొందుతోంది. ఇదే క్రమంలో ఇటీవల ఓ కొత్త ఫీచర్ ను వాట్సాప్ తీసుకొచ్చింది. అదేంటే షార్ట్ వీడియో మెసేజ్ లను పంపేందుకు వీలుగా కొత్త అప్ డేట్ ను ఐఓఎస్, ఆండ్రాయిడ్ యూజర్లకు పరిచయం చేసింది. ఈ ఫీచర్తో 60 సెకండ్ల నిడివితో వీడియో మెసేజ్ లను ఇతరులకు పంపడానికి వీలు కలుగుతుంది. వాయిస్ మెసేజ్ మాదిరిగానే వీడియో మెసేజ్ కూడా ఉపయోగపడుతుండటంతో వినియోగదారులు బాగానే దీనికి కనెక్ట్ అయ్యారు.
అయితే కొందరు వినియోగదారులు మాత్రం ఈ ఫీచర్ వినియోగిస్తున్నప్పుడు ఇబ్బంది ఫేస్ చేస్తున్నారు. అదేంటంటే వాయిస్ మెసేజ్ పంపాలనుకున్నప్పుడు కూడా పొరపాటున ఒక్కోసారి వీడియో మెసేజ్ వెళ్లిపోతోంది. వాయిస్ మెసేజ్ బటన్ బదులు వీడియో క్లిక్ అయిపోవడం జరుగుతోంది. దీంతో వినియోగదారులు ఇబ్బందులు పడుతున్నారు. ఇప్పుడు దీనిపై దృష్టి పెట్టిన వాట్సాప్.. ఓ పరిష్కారాన్ని తీసుకొచ్చింది. వీడియో మెసేజ్ ఆప్షన్ ను పూర్తిగా డిసేబుల్ చేసుకొని, అవసరం అయినప్పుడు మాత్రమే వినియోగించుకునేలా కొత్త ఫీచర్ ను తీసుకొచ్చింది. ఆ కొత్త ఫీచర్ ఏంటి? ఎలా పనిచేస్తుంది? దాని వల్ల వినియోగదారులకు ప్రయోజనాలు ఏంటి? తెలుసుకుందాం రండి..
కొత్త టోగుల్ ఫీచర్..
షార్ట్ వీడియో మెసేజెస్ ఫీచర్ వల్ల ఎదురవుతున్న సమస్యకు పరిష్కారంగా వాట్సాప్ ఓ బటన్ ను తీసుకొచ్చింది. మనకు అవసరం లేనప్పుడు ఈ వీడియో మెసేజ్ ఆప్షన్ ను పూర్తిగా డిసేబుల్ చేసుకొనే వెసులుబాటు కల్పించింది. వాట్సాప్ చాట్ సెట్టింగ్స్ మెనూలోకి ఈ కొత్త టోగుల్ ఫీచర్ ను అందించింది. దీనిని డిసేబుల్ చేసుకుంటే వాయిస్ రికార్డర్ పై నొక్కితే కేవలం వాయిస్ మాత్రమే రికార్డు అవుతుంది. ఎట్టి పరిస్థితుల్లోనూ వీడియో మోడ్ కు మారదు.
అందరికీ కాదు..
వాట్సాప్ ఈ ఫీచర్ ను అందరికీ వినియోగంలోకి తేలేదు. కొంతమంది బీటా వెర్షన్లకు మాత్రమే ఈ వాట్సాప్ కొత్త టోగుల్ ఫీచర్ అందుబాటులో ఉంది. ఆండ్రాయిడ్ యూజర్లు గూగుల్ ప్లే స్టోర్ నుంచి, ఐఓఎస్ యూజర్లు టెస్ట్ ఫ్లైట్ యాప్ నుంచి ఈ బీటా వెర్షన్లను డౌన్లోడ్ చేసుకోవచ్చు. త్వరలో అందరికీ అందుబాటులోకి వచ్చే అవకాశం ఉంది. ఇప్పటి వరకూ ఈ షార్ట్ వీడియో మెసేజ్ ఆప్షన్ ఎప్పుడూ ఆన్ లోనే ఉండేది. కానీ ఇప్పుడు ఆన్/ఆఫ్ చేసుకొనే వెసులుబాటును వాట్సాప్ వినియోగదారులకు కల్పించింది. వ్యక్తిగత ప్రైవసీ, అవసరాలకు కాపాడుకునేందుకు ఈ టోగుల్ ను మీరు వినియోగించుకోవచ్చు.