కీలక ప్రకటన చేసిన రష్యా
రష్యా,డిసెంబర్ 19 (ఆంధ్రపత్రిక): ఉక్రెయిన్ పై దండయాత్ర సాగిస్తోన్న రష్యా సోమవారం కీలక ప్రకటన చేసింది. దక్షిణ రష్యా ప్రాంతంలోని ఉక్రెయిన్ సరిహద్దుల్లో నాలుగు క్షిపణులను తమ ఎయిర్ డిఫెన్స్ సిస్టమ్ కూల్చివేసినట్లు వెల్లడిరచింది.ఈ క్షిపణులు అమెరికాలో తయారైనట్లు తెలిపింది. 10 నెలలుగా సాగుతోన్న ఈ యుద్ధంలో క్షిపణుల కూల్చివేత గురించి రష్యా ఇలాంటి ప్రకటన చేయడం ఇదే తొలిసారి కావడం గమనార్హం.బెల్గొరాడ్ ప్రాంతంలో గగనతలంలోకి దూసుకొచ్చిన నాలుగు అమెరికన్ ‘హెచ్ఏఆర్ఎం’ యాంటీ రాడార్ క్షిపణులను కూల్చివేసినట్లు రష్యా రక్షణశాఖ సోమవారం సోషల్మీడియా వేదికగా వెల్లడిరచింది. ఈ నగరంపై ఉక్రెయిన్ బలగాలు దాడి చేస్తున్నట్లు రష్యా కొంతకాలంగా ఆరోపిస్తోంది. ఆదివారం కూడా ఈ నగరంపై కీవ్ సేనలు దాడి చేసినట్లు బెల్గొరాడ్ ప్రాంత గవర్నర్ ఆరోపించారు.కాగా.. రష్యా సైనిక చర్య మొదలైన తర్వాత నుంచి ఉక్రెయిన్కు అమెరికా భారీగా ఆయుధ సాయం చేస్తోన్న విషయం తెలిసిందే. ఆర్టిలరీ గన్స్, గగనతల రక్షణ వ్యవస్థలతో పాటు క్షిపణి వ్యవస్థలను అందించింది. ఇదిలా ఉండగా.. ఉక్రెయిన్పై రష్యా మళ్లీ దూకుడు పెంచింది. రాజధాని కీవ్ సహా ప్రధాన నగరాలపై రాకెట్లు, బాంబుల వర్షం కురిపిస్తోంది. కీవ్ పైన డ్రోన్లతో దాడిచేసింది. ఉక్రెయిన్ బలగాల ఎదురుదాడులతో ఇటీవల ఖేర్సన్ నుంచి వెనక్కి వెళ్లిపోయిన మాస్కో.. తాజాగా ఆ నగరంపై విరుచుకుపడిరది. ఆదివారం ఒక్కరోజే 54 దాడులకు పాల్పడిరది.
