నెట్‌ఫ్లిక్స్‌లో విడుదల కానున్న వాల్తేరు వీరయ్య

మెగాస్టార్‌ చిరంజీవి నటించిన ’వాల్తేరు వీరయ్య’ మూవీ సంక్రాంతికి విడుదలై బాక్సాఫీస్‌ వద్ద భారీ హిట్‌ అందుకుంది. ఇప్పుడు ఈ సినిమా ఓటీటీలోకి వచ్చేందుకు సిద్ధమైంది. ’వాల్తేరు వీరయ్య’ ఫిబ్రవరి 27వ తేదీ నుంచి స్టీమ్రింగ్‌కు కానున్నట్లు తాజాగా నెట్‌ప్లిక్స్‌ సంస్థ ట్విట్టర్‌ వేదికగా ప్రకటించింది. చిరు సరసన శుత్రిహాసన్‌ నటించగా.. మహారాజా రవితేజ కీలక పాత్ర పోషించారు.మైత్రీ మూవీ మేకర్స్‌ బ్యానర్‌పై తెరకెక్కిన ఈ మూవీలో బాలీవుడ్‌ బ్యూటీ ఊర్వశి రౌతేలా బాస్‌ పార్టీ స్పెషల్‌ సాంగ్‌లో మెరిసింది. ఈ చిత్రానికి రాక్‌ స్టార్‌ దేవీ శ్రీ ప్రసాద్‌ సంగీతం అందించారు. ఇప్పటికే ఈ సినిమా 25 రోజులను పూర్తిచేసుకుంది. చాలా సెంటర్స్‌ లో ఈ సినిమా 25 రోజులను పూర్తి చేసుకోవడం పట్ల మేకర్స్‌ ఆనందాన్ని వ్యక్తం చేస్తున్నారు.