ఫేస్ యాప్ అటెండెన్స్ నుంచి వి.అర్.ఎ.లను మినహాయించాలి

కె.కోటపాడు,ఫిబ్రవరి14(ఆంధ్రపత్రిక):ఫేస్ యాప్ అటెండెన్స్ నుంచి వి.ఆర్.ఎ.లకు మినహాయింపు ఇవ్వాలని గ్రామ రెవెన్యూ సహాయకుల సంఘం ఉమ్మడి విశాఖ జిల్లా అధ్యక్షులు కంచెల రవికుమార్ డిమాండ్ చేశారు. మంగళవారం అయన స్థానిక విలేకరులతో మాట్లాడారు. రాష్ట్ర కమిటీ పిలుపు మేరకు ఉమ్మడి జిల్లా కమిటీ ప్రతినిధులతో ఈ మేరకు అనకాపల్లి డిఆర్ఓకు వినతిపత్రం అందజేశామని చెప్పారు. రూ.26 వేలు పే-స్కేలు అమలు చేయాలని, పాత డీఏ రికవరీ అమోంట్ ను జీతాలతో కలిపి చెల్లించాలని, నామినీ వి.అర్.ఎ.లను రెగ్యులర్ చేయాలని, అర్హులైన వి.ఆర్.ఎ.లకు పదోన్నతులు కల్పించాలని,65 సంవత్సరాలు వయసు పైబడ్డాక మృతి చెందిన వీఆర్ఏ కుటుంబాల్లో ఒకరికి2005జీఓ ప్రకారం తప్పనిసరిగా ఉద్యోగం ఇవ్వాలని అయన డిమాండ్ చేశారు. వినతి పత్రం అందచేసిన వారిలో అనకాపల్లి జిల్లా కార్యదర్శి డేవిడ్, ఉపాధ్యక్షులు నరేంద్ర, వర్కింగ్ ప్రెసిడెంట్ క్రాంతికుమారి, జిల్లా కోశాధికారి ఎన్.సంతోష్ కుమార్, అనకాపల్లి జిల్లా గౌరవ అధ్యక్షులు కోటేఈశ్వరరావు, ఉపాధ్యక్షులు గణిశెట్టి సత్యనారాయణ(సిటు),అనకాపల్లి డివిజన్ అధ్యక్షులు తోటాడ సింహాచలం, కార్యదర్శి పరదేశినాయుడు తదితర్లు ఉన్నారని రవికుమార్ చెప్పారు.