మంత్రి గొట్టిపాటి రవిని కలిసిన విద్యుత్ బిసి ఉద్యోగుల సంక్షేమ సంఘం నేతలు*

*విజయవాడ : ఆంధ్ర ప్రదేశ్ విద్యుత్ శాఖ మంత్రి గొట్టిపాటి రవిని శనివారం వెలగపూడి సచివాలయంలో విద్యుత్ బిసి ఉద్యోగుల సంక్షేమ సంఘం నేతలు కలిశారు. రాష్ట్ర విద్యుత్ శాఖ మంత్రిగా గొట్టిపాటి రవికుమార్ వారికి కేటాయించిన సచివాలయ భవనములో వారి చాంబర్లో వేద పండితుల ఆశీర్వాదంతో విద్యుత్ శాఖ బాధ్యతలు చేపట్టిన సందర్భం పురస్కరించుకుని ఆంధ్రప్రదేశ్ రాష్ట్ర విద్యుత్ బిసి ఉద్యోగుల సంక్షేమ సంఘం అధ్యక్షులు పోలాకి శ్రీనివాస రావు ఆధ్వర్యంలో మంత్రిని శాలువా తో సత్కరించి పుష్పగుచ్చాలు ఇచ్చి మెమొంటో బహుకరించి సత్కరించారు. ఈ సందర్భంగా మంత్రి విద్యుత్ శాఖ ఉద్యోగులు రాష్ట్రానికి వెన్నుముక అని, అందునా బీసీ ఉద్యోగుల సమస్యలు ఏమున్నప్పటికీ సమగ్రంగా చర్చించి పది రోజుల్లో మరల కలుద్దామని ప్రభుత్వ బలోపేతానికి అందరూ కృషి చేయాలని అన్నారని సంఘం అధ్యక్షులు పోలాకి శ్రీనివాస రావు వివరించారు. ఈ కార్యక్రమంలో డిప్యూటీ జనరల్ సెక్రటరీ కోసెట్టి అప్పారావు, ఈపీడీసీఎల్ కంపెనీ అధ్యక్షులు కే.సాయి బాబా, ఎ.పి.సి. పి. డి సి. ఎల్ అధ్యక్షులు యన్. పాపారావు, సంఘం జాయింట్ సెక్రటరీ బి.నరసింహమూర్తి, రాష్ట్ర, జిల్లా కార్యవర్గ సభ్యులు , ఆంధ్రప్రదేశ్ బిసి సంక్షేమ సంఘం అధ్యక్షుడు కేశన శంకర్రావు ఆంధ్రప్రదేశ్ రాష్ట్ర విద్యుత్ బిసి ఉద్యోగుల సంక్షేమ సంఘం అధ్యక్షునితో కలసి పాల్గొన్నారు.*