వెంకటేష్ సైంధవ్ చిత్రీకరణ షురూ..

విక్టరీ వెంకటేష్ (Venkatesh ) ఆ మధ్య ఎఫ్3లో తన కామెడీతో అలరించిన సంగతి తెలిసిందే. ఆ సినిమా తర్వాత వెంకీ, రానాతో కలిసి రానా నాయుడు (Rana Naidu) అనే ఓ వెబ్ సిరీస్‌ చేశారు.ఇటీవల స్ట్రీమింగ్‌కు వచ్చిన ఈ వెబ్ సిరీస్ ప్రస్తుతం మంచి ఆదరణ పొందుతోంది. ఇక అది అలా ఉంటే వెంకీ తన 75వ సినిమాను యువ దర్శకుడు శైలేష్ కొలను(Sailesh Kolanu)తో చేస్తోన్న సంగతి తెలిసిందే. ఈ సినిమాకు సైంధవ్ (Saindhav) అనే పేరును ఖరారు చేశారు. మంచి అంచనాల నడుమ వస్తోన్న ఈచిత్రం ఈరోజు నుంచి షూటింగ్‌ను షురూ చేయనుంది. దీనికి సంబంధించి చిత్రబృందం ఓ ప్రకటన విడుదల చేసింది. ఇక గ్లింప్స్ అంటూ సినిమా ప్రకటన సమయంల విడుదల చేసిన ఓ చిన్న వీడియో మంచి రెస్పాన్స్‌ను దక్కించుకుంది. ఈ సినిమా యాక్షన్ ఎంటర్టైనర్‌గా వస్తున్నట్లు తెలుస్తోంది. హిట్ (Hit) సినిమాలతో మంచి క్రేజ్ తెచ్చుకున్న శైలేష్ కొలను ఈ సినిమాకు దర్శకత్వం వహిస్తున్నారు. ఈ సిరీస్‌లో వచ్చిన రెండు చిత్రాలు బాగానే హిట్ అయ్యాయి. ఈ సినిమాలో కీలకపాత్రలో హిందీ నటుడు నవాజ్జుద్దీన్ సిద్ధిఖీ నటుస్తున్నారు.ఈ సినిమాను నానితో శ్యామ్ సింగ రాయ్ సినిమాను ఎంతో ప్రతిష్టాత్మకంగా నిర్మించి, విజయాన్ని అందుకున్న వెంకట్ బోయనపల్లి నిహారిక ఎంటర్టైన్మెంట్స్ పై నిర్మిస్తున్నారు. సంతోష్ నారయణ్ సంగీతం అందిస్తున్నారు. ఈ సినిమా ప్యాన్ ఇండియా స్థాయిలో భారీగా నిర్మితమవుతోంది. తెలుగుతో పాటు హిందీ, తమిళ్, కన్నడ, మలయాళీ భాషల్లో విడుదలకానుంది.ఇక వెంకటేష్ సినిమాల విషయానికి వస్తే.. వెంకటేష్ ఇటీవల యువ హీరో విశ్వక్ సేన్ హీరోగా వచ్చిన ఓరి దేవుడాలో ఓ కీలకపాత్రలో కనిపించారు. ఈ సినిమా అనుకున్న రేంజ్‌లో ఆకట్టుకోలేకపోయింది. ఇక వెంకీ అంతకు ముందు ఎఫ్ 3 అనే సినిమాతో ప్రేక్షకులను పలకరించారు. ఈ సినిమా ఎఫ్2కు సీక్వెల్‌గా వచ్చింది. అనుకున్న రేంజ్‌లో ఆకట్టుకోలేకపోయింది. ఈ సినిమాకు ముందు వెంకీ నారప్ప, దృశ్యం2 వంటి సినిమాలతో ముందుకొచ్చారు. అయితే ఈ సినిమాలు డైరెక్ట్‌గా ఓటీటీలో విడుదలై మంచి ఆదరణ పొందాయి.ఇక వెంకటేష్ నటిస్తున్న వెబ్ సిరీస్ ‘రానా నాయుడు’ విషయానికి వస్తే.. ఈ వెబ్ సిరీస్‌ హిందీతో పాటు తెలుగు, తమిళంతోపాటు ఇతర దక్షిణాది భాషల్లో స్ట్రీమింగ్ అవుతోంది. ఈ వెబ్ సిరీస్‌లో వెంకటేష్ సాల్ట్ అండ్ పెప్పర్ లుక్‌లో కనిపించారు. గతంలో వీళ్లిద్దరు ‘కృష్ణం వందే జగద్గురుమ్’ సినిమాలో ఓ పాటలో దగ్గుబాటి బాబాయి అబ్బాయి కలిసి నటించారు. కానీ వీళ్లిద్దరు పూర్తి స్థాయిలో మాత్రం నటించలేదు. ఇపుడు ఆ కోరిక ఈ వెబ్ సిరీస్‌తో నెరవేరింది. మీర్జాపూర్, ది ఫ్యామిలీ మ్యాన్ లాంటి సిరీస్‌లకు పనిచేసిన సుపన్ వర్మ, కరణ్ అన్షుమాన్ డైరెక్ట్ చేసారు. థ్రిల్లర్ ఎలిమెంట్‌తో వెంకటేష్, రానా నెట్‌ప్లిక్స్‌లో సందడి చేస్తోంది.