త్రివిక్రమ్‌`మహేశ్‌ కాంబో సినిమా

పూజా,శ్రీలీలలకు తోడు భూమి పడ్నేకర్‌
సూపర్‌ స్టార్‌ మహేష్‌ బాబు హీరోగా త్రివిక్రమ్‌ దర్శకత్వంలో రూపొందుతున్న సినిమా కోసం ఫ్యాన్స్‌ ఆసక్తిగా ఎదురు చూస్తున్నారు. మొదట ఏప్రిల్‌ 2023 లో సినిమాను విడుదల చేయాలని భావించారు.
కానీ షూటింగ్‌ ఆలస్యం అవ్వడం వల్ల ఏప్రిల్‌ లో విడుదల చేయలేక పోతున్నట్లుగా ఇప్పటికే క్లారిటీ ఇచ్చారు. కొత్త విడుదల తేదీ విషయంలో చర్చ జరుగుతోంది.ఇదే సమయంలో సినిమాలోని నటీ నటుల విషయంలో కూడా ఆసక్తికర చర్చ జరుగుతోంది. ఇప్పటికే ఈ సినిమాలో హీరోయిన్‌ గా పూజా హెగ్డే నటిస్తున్నట్లు ప్రకటన వచ్చింది. ఆ తర్వాత శ్రీ లీలా కూడా మరో హీరోయిన్‌ గా ఈ సినిమాలో నటించబోతున్నట్లుగా నిర్మాత స్వయంగా పేర్కొన్నాడు. తాజాగా ఈ సినిమాలో బాలీవుడ్‌ హాట్‌ బ్యూటీ భూమి పడ్నేకర్‌ ను కీలక పాత్రలో చూపించబోతున్నారని తెలుస్తోంది. సెకండ్‌ హాఫ్‌ లో వచ్చే ఆ కీలక పాత్ర ను భూమి పడ్నేకర్‌ తో చేయించడం ద్వారా హిందీ ప్రేక్షకుల్లో కూడా సినిమాపై ఆసక్తి పెంచాలని భావిస్తున్నట్లు తెలుస్తోంది. లేడీ కానిస్టేబుల్‌ పాత్రకు గాను భూమి పడ్నేకర్‌ ను సంప్రదించారని.. ఆమె ఓకే చెప్పిందని కూడా ప్రచారం జరుగుతోంది. కానీ ఇప్పటి వరకు మేకర్స్‌ నుండి ఈ విషయమై ఎలాంటి స్పష్టత రాలేదు. హీరోయిన్‌ గా ఇద్దరు ముద్దుగుమ్మలు నటిస్తూ ఉండగా మరో హీరోయిన్‌ భూమి పడ్నేకర్‌ ను కూడా ఎంపిక చేయబోతున్నారనే వార్తలు మహేష్‌ బాబు ఫ్యాన్స్‌ లో ఆసక్తి ని రేకెత్తిస్తున్నాయి.