స్కూల్స్‌లో క్రమశిక్షణ ఎలా ఉంటుందో అందరికీ తెలుసు. ఇక ప్రైవేట్, కార్పొరేట్ స్కూల్స్ లేదా కాలేజీలలో అయితే క్రమశిక్షణ ఉల్లంఘిస్తే వారిపై చర్యలు సైతం తీసుకుంటారు.
ఇక విద్యార్థులు స్కూల్‌కి ఆలస్యంగా వెళ్లినా…ఎగ్గొట్టినా మేనేజ్‌మెంట్ స్ట్రిక్ట్ యాక్షన్ తీసుకుంటారనడంలో ఎలాంటి సందేహం లేదు. ఇప్పటి వరకు ఇది విద్యార్థుల వరకే జరిగింది. కానీ ఓ స్కూల్లో పనిచేస్తున్న టీచర్ ఆలస్యంగా వచ్చినందుకు లేడీ ప్రిన్సిపాల్ ఆగ్రహంతో ఊగిపోయింది. ఆలస్యంగా వచ్చిన టీచర్‌ను చితక్కొట్టింది. ఈ దాడికి సంబంధించిన వీడియో సోషల్ మీడియాలో వైరల్‌గా మారింది.
టీచర్‌పై లేడీ ప్రిన్సిపాల్ దాడి
ఉత్తరప్రదేశ్‌లోని ఆగ్రాలోని సీగానా గ్రామంలోని ప్రీసెకండరీ స్కూల్లో దారుణం జరిగింది. ప్రీ సెకండరీ స్కూల్లో గుంజన్ చౌదరి ఉపాధ్యాయురాలుగా పనిచేస్తోంది. అయితే గుంజన్ చౌదరి పాఠశాలకు ఆలస్యంగా వచ్చింది. దీంతో ఆగ్రహించిన లేడీ ప్రిన్సిపాల్ సదరు టీచర్‌పై కోపంతో రగిలిపోయింది. స్కూల్‌కి ఆలస్యంగా రావడాన్ని తప్పుబడుతూ తిట్టిపోసింది. అనంతరం విచక్షణా రహితంగా దాడికి పాల్పడింది. ఈ దాడిలో టీచర్ దుస్తులు సైతం చిరిగిపోయాయి. అక్కడే ఉన్న తోటి ఉపాధ్యాయులు సైతం వీరిని అడ్డుకునే ప్రయత్నం చేశారు. అయినప్పటికీ ఎలాంటి ఫలితం లేకుండా పోయింది. లేడీ ప్రిన్సిపాల్ దాడిలో గుంజన్ చౌదరి గాయపడింది. ఈ వ్యవహారాన్ని అక్కడే ఉన్న కొందరు టీచర్లు సెల్ ఫోన్లలో బంధించారు. అనంతరం దాన్ని సోషల్ మీడియాలో అప్‌లోడ్ చేయడంతో అది కాస్తా వైరల్‌గా మారింది.
నెటిజన్ల ఆగ్రహం
ఇదిలా ఉంటే స్కూల్లో ఫేషియల్ చేయించుకుంటున్న వీడియో ఒకటి వైరల్ అయిన సంగతి తెలిసిందే. ఈ ఫేషియల్ చేయించుకుంటున్న వ్యవహారాన్ని వీడియో తీసి వైరల్ చేసిన లేడీ టీచర్ చేయి కొరికింది. అంతేకాదు ఇటుకతో ఆమెపై దాడికి పాల్పడింది. ఈ ఘటన మరువకముందే మరో ఘటన చోటు చేసుకోవడం సంచలనంగా మారింది. సమాజంలోని రుగ్మతలను తొలగించడంలోనూ.. విద్యార్థుల భావితరాలకు బంగారు బాట వేయాల్సిన ఉపాధ్యాయులు ఇలాంటి చర్యలతో దాడలకు పాల్పడటాన్ని నెటిజన్లు తీవ్రంగా ట్రోల్ చేస్తున్నారు.
