- రైల్వేజోన్‌ ఏర్పాటుపై వెనక్కి తగ్గం
- జోన్‌ రాకుంటే రాజీనామాకు సిద్దం అన్న విజయసాయి
- విశాఖకు రైల్వేజోన్‌ రాకుంటే రాజీనామా చేస్తా
- రైల్వే జోన్‌పై తప్పుడు ప్రచారం
అమరావతి,సెప్టెంబర్‌28(ఆంధ్రపత్రిక): విభజన చట్టం ప్రకారం ప్రకటించిన విశాఖ రైల్వేజోన్‌ ఏర్పాటు సాధ్యంకాదని కేంద్రం ప్రక టించడం పట్ల రాజ్యసభ సభ్యుడు విజయసాయిరెడ్డి తీవ్రంగా స్పందించారు. విశాఖకు రైల్వేజోన్‌ రాకుంటే రాజీనామా చేస్తానని సంచలన నిర్ణయాన్ని ప్రకటించారు. రైల్వే జోన్‌పై తప్పుడు ప్రచారం చేస్తున్నారని, విభజన చట్టంలో రైల్వే జోన్‌ గురించి స్పష్టంగా చెప్పారని గుర్తు చేశారు. నిన్న ఢల్లీిలో తెలంగాణ, ఆంధప్రదేశ్‌ రాష్ట్రాల మధ్య ఉన్న విభజన సమస్యలపై సమావేశం జరిగింది. ఈ సమావేశంలో రైల్వే జోన్‌ అంశం చర్చకు రాలేదని ఆయన పేర్కొన్నారు. రైల్వే జోన్‌ ఏర్పాటుకు కేంద్రం గతంలోనే ఆమోదం తెలిపిందని ఆయన అన్నారు.
