వరుస సినిమాలతో సుధీర్‌ బాబు బిజీ

అక్టోబర్ 27 (ఆంధ్రపత్రిక):  టాలీవుడ్‌ యువ హీరో సుధీర్‌ బాబు ఇటీవలే ’ఆ అమ్మాయి గురించి మీకు చెప్పాలి’ సినిమాతో ప్రేక్షకులకు ముందుకొచ్చాడు. అయితే ఈ చిత్రం బాక్సాఫీస్‌ వద్ద డిజాస్టర్‌ టాక్‌ మూటగట్టుకుంది. సుధీర్‌ బాబు సక్సెస్‌, ఫెయిల్యూర్స్‌తో సంబంధం లేకుండా డిఫరెంట్‌ జోనర్లలో సినిమాలకు గ్రీన్‌ సిగ్నల్‌ ఇస్తున్నాడు. సుధీర్‌ బాబు తాజా మరో సినిమాను ప్రకటించాడు. సుధీర్‌ బాబు 18వ ప్రాజెక్టును ఇన్‌ లాండ్‌ లెటర్‌ పోస్టర్‌తో లాంఛ్‌ చేశాడు. ఈ చిత్రానికి సెహరి ఫేం జ్ఞానసాగర్‌ ద్వారక దర్శకత్వం వహిస్తున్నాడు. శ్రీ సుబ్రహ్మణ్యెశ్వర సినిమాస్‌ బ్యానర్‌పై సుమంత్‌ జీ నాయుడు ఈ చిత్రాన్ని నిర్మిస్తున్నారు. అరుణ్‌ గౌలి ఆఫ్‌ సౌత్‌ బాంబే ఫ్రమ్‌ అడ్రస్‌తో చిత్తూరు జిల్లా కుప్పంకు చెందిన సుబ్రహ్మణ్యంకు ఈ లేఖను రాసినట్టు అర్థమవుతుంది. లేఖలో ’విషమం.. విూరు తప్పకుండా రావాలి.. ’అనే సందేశం కూడా ఉంది. గ్రామం, గుడి, తుపాకి, బుల్లెట్స్‌ పాత రూపాయి నోటు, ల్యాండ్‌ లైన్‌ ఫోన్‌, సిగరెట్‌ కూడా పోస్టర్‌లో కనిపిస్తున్నాయి. అక్టోబర్‌ 31న మాస్‌ సంభవం అని పేర్కొన్నారు. దీన్ని బట్టి అక్టోబర్‌ 31న మా మరో అప్‌డేట్‌ ఇవ్వనున్నట్టు మేకర్స్‌ తెలియజేశారు. 1989 కుప్పం నేపథ్యంలో డివైన్‌ టచ్‌తో సాగే కథ నేపథ్యంలో ఈ సినిమా సాగనున్నట్టు సమాచారం. సుధీర్‌ బాబు గతంలో ఎన్నడూ కనిపించని కొత్త లుక్‌లో కనిపింబోతున్నట్టు టాక్‌.