చినగుడిపాలలో నేడు,రేపు శ్రీ పరదేశిమాంబ తీర్థం

వేపాడ,ఫిబ్రవరి,9( ఆంధ్ర పత్రిక):- మండలంలోని చినగుడిపాల గ్రామ ఇలవేల్పు శ్రీ పరదేశిమాంబ తీర్థ మహోత్సవాలు శుక్ర,శనివారాలలో ఘనంగా నిర్వహించనున్నారు.రెండు రోజులపాటు అమ్మవారికి ప్రత్యేక పూజలు నిర్వహిస్తారు. మొదటి రోజు మధ్యాహ్నం 3గంటల నుంచి కూండ్రం వారిచే మహిళా కోలాటం, రాత్రి 7గంటల నుంచి విశాఖ వారిచే డాన్స్ బేబి డాన్స్ ప్రదర్శన జరుగుతుంది.అలాగే రెండవ రోజు శనివారం నాడు జిల్లా స్థాయి గుర్రాల పరుగు ప్రదర్శన చూపరులను అమితంగా ఆకట్టుకోనుంది.ఈ గుర్రాల పరుగు పందెంలో విజేతలకు డీసీసీబీ చైర్మన్ చిన రాము నాయుడు చేతుల మీదుగా నగదు బహుమతులు అందజేయడం జరుగుతుందనీ గ్రామ సర్పంచ్ బోజంకి రాము నాయుడు, గ్రామ పెద్దలు, నాయకులు తెలిపారు.