గృహసారధులతో ఆత్మీయ సమ్మేళనం

గూడూరు, ఫిబ్రవరి 5 (ఆంధ్రపత్రిక) : గూడూరు పట్టణంలోని ప్రైవేట్‌ ఫంక్షన్‌హాల్‌లో నూతనంగా నియమించ బడిన గృహ సారథులతో ఆత్మీయ సమావేశం గూడూరు ఎమ్మెల్యే వరప్రసా ద్‌రావు ఆధ్వర్యంలో నిర్వహించారు. పట్టణ మరియు నియోజక వర్గంలోని మండలాల గృహ సారథులు పాల్గొన్నారు. ఎమ్మెల్యే ముందుగా దివంగత నేత మాజీ ముఖ్యమంత్రి డాక్టర్‌ రాజశేఖర్‌ రెడ్డి చిత్రపటానికి పూలమాలవేసి నివాళులర్పించారు . ఈ సందర్భంగా సీఎం జగన్‌ మోహన్‌ రెడ్డి రాష్ట్రాన్ని పాలిస్తూ మరోవైపు పార్టీ ప్రతిష్టతకు అనేక చర్యలు తీసుకుంటు న్నారని ,దీనిలో భాగంగా నూతనంగా గృహ సారధులను నియమించడం జరిగిందని పేర్కొన్నారు. ప్రభుత్వానికి వీరంతా కీలకమని పేర్కొన్నారు. ప్రభుత్వం అమలు చేస్తున్న సంక్షేమ పథకాలు ప్రజలకు వివరించారు. ఎక్కడైనా పార్టీ కి నష్టం కలుగుతుంటే వెంటనే తెలియచేయాలని సూచించారు. పార్టీ కి పనిచేసిన వారికి మరల వైసీపీ ప్రభుత్వం వచ్చిన తరువాత తగిన గుర్తింపు ఉంటుందని తెలిపారు. ఈ సమావేశంలో వైసీపీ సీ.ఈ. సి సభ్యులు ఎల్లసిరి గోపాల్‌ రెడ్డి , వైసీపీ సీనియర్‌ నాయకులు బత్తిని విజయ కుమార్‌ , నాసిన నాగులు , రాజేశ్వర రెడ్డి , మోహన్‌ , మురళి , రాజా , నరసయ్య , తదితరులు పాల్గొన్నారు.