బంగారమ్మ తల్లికి ప్రత్యేక పూజలు

విడవలూరు, ఫిబ్రవరి 5 (ఆంధ్రపత్రిక) : అలాగనిపాడు గ్రామ దేవతగా వెలసియున్న బంగారమ్మ తల్లికి ఆదివారం ప్రత్యేక పూజలు నిర్వహించారు. అమ్మవారికి ఉదయం అభిషేకం, కుమార్చన, పూల అలంకరణ చేశారు. దీంతో భక్తులు అధిక సంఖ్యలో పాల్గొని అమ్మవారికి పొంగళ్ళు పొంగించి నైవేద్యంగా సమర్పించారు. విడవలూరు గ్రామంలో వెలసి ఉన్న అంకమ్మ తల్లికి కూడా విశేష పూజలుచేశారు. భక్తుల అమ్మవారిని దర్శించుకుని తీర్థ ప్రసాదాలు స్వీకరించారు.