మరోసారి విదేశాలకు సోనియాగాంధీ

వైద్య పరీక్షల కోసం కాంగ్రెస్‌ అధినేత్రి సోనియాగాంధీ మరోసారి విదే శాలకు వెళ్తున్నారు.తల్లికి తోడుగా రాహుల్‌ గాంధీ, ప్రియాంకగాంధీ కూడా వెళ్లనున్నారు.ఈ విషయాన్ని కాంగ్రెస్‌ పార్టీ అధికారికంగా తెలియ జేసింది. సోనియాగాంధీ మెడికల్‌ చెకప్‌ కోసం విదేశాలకు వెళ్తున్నారని ఇదే సమయంలో అనా రోగ్యంతో బాధ పడుతున్న తన తల్లి వద్దకు కూడా ఆమె వెళ్తారని ఒక ప్రకటనలో జైరాం రమేశ్‌ తెలిపారు.సోనియాతో పాటు రాహుల్‌, ప్రియాంక కూడా వెళ్లనున్నారని ఆయన చెప్పారు. సెప్టెంబర్‌ 4న ఢల్లీిలో జరిగే ‘మెహంగాయ్‌ పర్‌ హల్లా బోల్‌’ ర్యాలీలో రాహుల్‌ గాంధీ ప్రసంగిస్తారని తెలి పారు.మరోవైపు, సెప్టెంబర్‌ 7న కన్నియాకుమారి నుంచి కశ్మీర్‌ వరకు కాంగ్రెస్‌ చేపట్టే ‘భారత్‌ జోడో యాత్ర’ ప్రారంభం కానుంది. అంతేకాదు కాంగ్రెస్‌ అధ్యక్ష పదవికి ఎన్నిక జరగ బోతోంది.ఈ ఎన్నికకు సంబంధించి ఈవారంలో షెడ్యూల్‌ విడుదలయ్యే అవకాశం ఉంది.ఈ పరిణామాలన్నీ చోటు చేసుకోబోతున్న తరుణంలో సోనియా మెడికల్‌ చెకప్‌ కోసం విదేశాలకు వెళ్తున్నారు.మరోవైపు, సోనియా చెకప్‌ కోసం ఏ దేశానికి వెళ్తున్నారు, ఎప్పుడు వెళ్తున్నారనే విషయాలపై మాత్రం పార్టీ క్లారిటీ ఇవ్వలేదు.