సీఎస్‌ఐ సనాతన్‌ నుంచి సాంగ్‌ విడుదల

అక్టోబర్ 27 (ఆంధ్రపత్రిక): శివశంకర్‌ దేవ్‌ దర్శకత్వంలో చాగంటి ప్రొడక్షన్‌లో అజయ్‌ శ్రీనివాస్‌ నిర్మిస్తున్న ’సీఎస్‌ఐ సనాతన్‌’ మూవీ నుంచి ఓ సాంగ్‌ను రిలీజ్‌ చేశారు. ’ఆది సాయికుమార్‌’ హీరోగా నటిస్తుండగా.. మిషా నారంగ్‌ హీరోయిన్‌గా నటించారు. ’నా కల నీవే.. కనుకే కలిశావే.. నా జత నీదే జతగా దొరికావే’ అంటూ సాంగ్‌ సాగింది. యాజిన్‌ నిజర్‌ పాట పాడగా మధ్యలో అనురుధ్‌ శాస్త్రీ (రాపర్‌) కూడా పాడారు. అందమైన లోకేషన్‌లో చిత్రీకరించిన ఈ పాట ఆకట్టుకొనే విధంగా ఉంది. ఈ కేసు విచారణ సాగే క్రమం.. ఆద్యంతం ఆసక్తిని రేకేత్తే విధంగా తెరకెక్కించారని తెలుస్తోంది. క్రైమ్‌ బ్యాక్‌ డ్రాప్‌లో థ్రిల్లర్‌గా రూపొందిస్తున్నారు. ఎలాంటి నేరాన్నయినా చేధించే ఇన్వెస్టిగేషన్‌ ఆఫీసర్‌గా ఆది సాయికుమార్‌ పాత్ర రూపొందింది. ఈ క్లూస్‌తో నేరస్థులను హీరో ఎలా పట్టుకోబోతున్నాడు అనేది ఇంట్రెస్టింగ్‌గా ఉండనుంది. ఇటీవలే గ్లింప్స్‌ను విడుదల చేశారు. ఈ మూవీలో అలీ రెజా, నందిని రాయ్‌, తాకర్‌ పొన్నప్ప, మధు సూదన్‌, వసంతి ప్రధాన పాత్రలు పోషించారు. ప్రస్తుతం పోస్ట్‌ ప్రొడక్షన్‌లో ఉన్న ఈ మూవీ నవంబర్‌లో ప్రేక్షకుల ముందుకు తీసుకరానున్నారు.