తెలుగులోనూ షారూఖ్‌ పఠాన్‌

డిసెంబర్ 23 (ఆంధ్రపత్రిక): షారుఖ్‌ ఖాన్‌ నాలుగేళ్ళు గ్యాప్‌ తీసుకుని పఠాన్‌తో ప్రేక్షకుల ముందుకు రావడానికి సిద్ధమయ్యాడు. సిద్దార్థ్‌ ఆనంద్‌ దర్శకత్వం వహించిన ఈ చిత్రం రిపబ్లిక్‌ డే సందర్భంగా రిలీజ్‌ కానుంది. ఇప్పటికే మేకర్స్‌ విడుదల చేసిన ప్రచార చిత్రాలు, టీజర్‌ సినిమాపై విపరీతమైన అంచనాలు క్రియేట్‌ చేశాయి. తాజాగా మేకర్స్‌ ఈసినిమాలోని సెకండ్‌ సింగిల్‌ను రిలీజ్‌ చేశారు. ఈ సినిమాలోని సెకండ్‌ సింగిల్‌ తెలుగు వెర్షన్‌ను మేకర్స్‌ తాజాగా విడుదల చేశారు. ’కుమ్మేసే’ అంటూ సాగే ఈ పాట శ్రోతలను తెగ ఆట్టుకుంటుంది. దీపికా మరోసారి తన హాట్‌ అందాలతో యూత్‌లో హాట్‌ పుట్టిస్తుంది. షారుఖ్‌ సిగ్నేచర్‌ మూమెంట్స్‌ ఫ్యాన్స్‌ను తెగ ఆకట్టుకుంటుంది. విశాల్‌ శేఖర్‌ స్వర పరిచిన ఈ పాటను హరీచరణ్‌, సునిత ఆలపించారు. ఇక ఇప్పటికే రిలీజైన ’బేషరమ్‌ రంగ్‌’ పాట దేశవ్యాప్తంగా సంచలనం సృష్టించింది. దీపిక బికినీ షో ఇండియాను ఊపేసింది. ఈ పాటలోని అసభ్యకర సన్నివేశాలు తొలగించకుంటే సినిమానే బ్యాన్‌ చేయాల్సి ఉంటుందని పలువురు రాజకీయన నాయకులు హెచ్చరించాడు. అంతలా ఈ పాట దుమారం రేపింది. మరీ ఇప్పుడు రిలీజైన సెకండ్‌ సింగిల్‌పై ప్రేక్షకులు ఎలా రెస్పాండ్‌ అవుతారో చూడాలి. యాక్షన్‌ థ్రిల్లర్‌ నేపథ్యంలో తెరకెక్కిన ఈ చిత్రాన్ని యష్‌ రాజ్‌ ఫిలింస్‌ బ్యానర్‌పై ఆదిత్య చోప్రా అత్యంత భారీ బడ్జెట్‌తో తెరకెక్కించాడు. ఈ సినిమా యష్‌రాజ్‌ ఫిలింస్‌లో బ్యానర్‌లో 50వ చిత్రం కావడం విశేషం. షారుఖ్‌కు జోడీగా దీపికా పదుకొనే నటించింది. జాన్‌ అబ్రహం కీలక పాత్రలో నటించిన ఈ సినిమా హిందీతో పాటు తెలుగు, కన్నడ భాషల్లో రిలీజ్‌ కానుంది.