పెదనందిపల్లిలో సెపక్ తక్రా క్రీడలు ప్రారంభం

దేవరాపల్లి, ఫిబ్రవరి 15 (ఆంధ్రపత్రిక) :  స్కూల్ గేమ్స్ ఫెడరేషన్ కార్యక్రమంలో భాగంగా ఉమ్మడి విశాఖ జిల్లా సెపక్ తక్రా క్రీడలు దేవరాపల్లి మండలంలోని పెదనందిపల్లి జిల్లా పరిషత్ ఉన్నత పాఠశాలలో అండర్- 14, 17 విభాగానికి సంబంధించి, సెలక్షన్ ట్రైల్స్‌ను హెచ్‌ఎం పి.శ్రీనివాసరావు, బుధవారం ప్రారంభించారు. ఈ క్రీడల్లో సుమారు 70 మంది క్రీడాకారులు పాల్గొన్నారు. ఈ క్రీడల్లో రాష్ట్ర స్థాయికి ఎంపికైన వారు ఈనెల 19,20,21 తేదీలలో ఉరవకొండ అనంతపురం జిల్లాలో పాల్గొంటారు. ఈ కార్యక్రమంలో అనకాపల్లి జిల్లా స్కూల్ గేమ్స్ సెక్రెటరీ బి. కిరణ్ కుమార్, స్కూల్ గేమ్ సెక్రెటరీ ఎ. శేఖర్, దేవరపల్లి ప్రభుత్వ ఉన్నత పాఠశాల పిడి టి. నాగేశ్వరరావు, పాఠశాల తల్లిదండ్రుల కమిటీ చైర్మన్ సిహెచ్. అప్పలనాయుడు, ఉన్నారు.