ఇచ్చిన హామీ నిలుపుకున్న చినగుడిపాల సర్పంచ్

100మంది విద్యార్థులకు స్టీలు గ్లాసుల పంపిణీ
హర్షం వ్యక్తంచేసిన ఉపాధ్యాయులు,విద్యార్థులు
వేపాడ,మార్చి,29(ఆంధ్ర పత్రిక ):- మండలంలోని చినగుడిపాల సర్పంచ్ భోజంకి రామునాయుడు ఇచ్చిన హామీ నిలుపుకోవడం పట్ల సర్వత్రా హర్షం వ్యక్తమవుతోంది.ఇటీవల ప్రభుత్వం విద్యార్థుల ఆరోగ్యాన్ని దృష్టిలో పెట్టుకొని ప్రవేశపెట్టిన జగనన్న గోరుముద్దలో భాగంగా రాగిజావ కార్యక్రమం ప్రారంభోత్సవంలో నీలకంఠరాజపురం జిల్లా పరిషత్ ఉన్నత పాఠశాలకు విచ్చేసిన చినగుడిపాల సర్పంచ్ అక్కడి విద్యార్థులు ప్లాస్టిక్ గ్లాసుల్లో రాగిజావ తాగుతున్న దృశ్యాన్ని చూసి చలించి స్టీలు గ్లాసులు అందజేస్తానని హామీ ఇచ్చారు.ఈ మేరకు ఆయన దృఢమైన 100స్టీలు గ్లాసులను కొనుగోలు చేసి బుధవారం ఉపాధ్యాయులు, పలువురు నాయకుల సమక్షంలో విద్యార్థులకు పంపిణీ చేసారు. పాఠశాల ప్రధానోపాధ్యాయులు చప్ప కృష్ణారావు సారథ్యంలో నిర్వహించిన ఈ కార్యక్రమంలో మాజీ సర్పంచ్ వేచలపు నాయుడుబాబు,ఉపసర్పంచ్ లండదేముడు,స్కూలు కమిటీ చైర్మన్ లండ అప్పన్న,కోట అప్పలనాయుడు,బంటు శ్రీనివాసరావు తదితర ఉపాధ్యాయులు, విద్యార్థులు పాల్గొన్నారు.