వృద్ధులకు సాయిభక్తులు పౌష్టికాహారం పంపిణీ

కె.కోటపాడు, అక్టోబర్‌ 19 (ఆంధ్రపత్రిక) : భగవాన్‌ శ్రీ సత్యసాయిబాబావారి సేవామార్గంలో సాయి భక్తులందరూ నారాయణ సేవకు ముందుకు రావాలని శ్రీ సత్య సాయి భజన మండళ్ల కె.కోటపాడు సమితి కన్వీనరు బండారు నారాయణ పాత్రుడు అన్నారు. స్థానిక శ్రీ సీతారాముల వారి ఆలయంలో బుధవారం శ్రీ సత్యసాయిభజన మండలి ఆధ్వర్యంలో పలువురు వృద్ధ మహిళల ఆరోగ్య దృష్ట్యా పౌష్టికాహారం, ఫలహారాలను ఆయన పంపిణీ చేశారు. ఈ సందర్భంగా ఆయన మాట్లాడుతూ శ్రీసాయి భక్తుల సహాయ సహకారాలతో అవసరమైన వారికి నారాయణ సేవ చేస్తున్నా మన్నారు. పేదలకు సేవ చేయడమే ప్రధాన ధ్యేయంగా శ్రీ సత్య సాయి భజన మండలి పనిచేస్తుం దన్నారు. ప్రతి ఒక్కరు సేవా భావంతో సాటివారికి సహాయ పడాలని సమితి కన్వీనర్‌ నారాయణ పాత్రుడు కోరారు.ఈ కార్యక్రమంలో శ్రీ సత్యసాయి భజనమండలి సభ్యులు, సాయి భక్తులు  పాల్గొన్నారు