పవన్‌ ప్రచార వాహనం సిద్ధం
త్వరలోనే పవన్‌ కళ్యాణ్‌ బస్సు యాత్ర
యాత్రకు సంబంధించిన బస్సుకు వారాహిగా నామకరణం
అమరావతి,డిసెంబర్‌ 7 (ఆంధ్రపత్రిక): జనసేన అధినేత పవన్‌ కళ్యాణ్‌ త్వరలోనే ఆంధ్రప్రదేశ్ వ్యాప్తంగా బస్సు యాత్ర చేపట్టేందుకు సిద్దమవుతున్నారు. ఇందుకు సంబం ధించి తెరవెనక ప్రయత్నాలు సాగుతూనే ఉన్నాయి. తాజాగా బస్సు యాత్ర కోసం సిద్దం చేసిన వాహనానికి సంబంధించిన ఫొటోలను పవన్‌ కళ్యాణ్‌ ట్విట్టర్‌లో బుధవారం పోస్టు చేశారు. అలాగే ఓ వీడియోను కూడా షేర్‌ చేశారు. వారాహి ఎన్నికల సమరానికి సిద్ధమైందని పేర్కొన్నారు. ఆ వాహనానికి వారాహి అని పేరు పెట్టినట్టుగా తెలుస్తోంది. అయితే పవన్‌ ఎప్పటినుంచి బస్సు యాత్రను ప్రారంభిస్తారు?, కంటిన్యూగా బస్సు యాత్ర నిర్వహిస్తారా? అనే విషయాలపై క్లారిటీ రావాల్సి ఉంది.
