సలార్‌పై పెరుగుతున్న అంచనాలు

అక్టోబర్ 20 (ఆంధ్రపత్రిక): ప్రభాస్‌ ప్రస్తుతం వరుస పాన్‌ ఇండియా సినిమాలతో తీరిక లేకుండా గడుపుతున్నాడు. ’బాహుబలి’ వంటి ఇండస్టీ హిట్‌ తర్వాత ’సాహో’, ’రాధేశ్యామ్‌’ చిత్రాలు వరుసగా ప్లాప్స్‌ అవడంతో ప్రభాస్‌ తీవ్రంగా నిరాశపడ్డాడు. ప్రస్తుతం ప్రభాస్‌ చేతిలో నాలుగు సినిమాలున్నాయి. అందులో ప్రశాంత్‌ నీల్‌ దర్శకత్వం వహిస్తున్న ’సలార్‌’ ఒకటి. ఇప్పటికే ఈ కాంబోపై ప్రేక్షకులలో భారీ స్థాయిలో అంచనాలు నెలకొన్నాయి. ఇక ’కేజీఎఫ్‌`2’ చూసిన తర్వాత సలార్‌ సినిమాపై అంచనాలు తారా స్థాయికి చేరాయి. సలార్‌లో ప్రభాస్‌ను నీల్‌ ఏ రెంజ్‌లో చూపిస్తాడో అని అభిమానుల్లో విపరీతమైన క్యూరియాసిటీ పెరిగింది. ఇప్పటికే చిత్రం నుండి రిలీజైన పోస్టర్‌లకు ప్రేక్షకుల నుండి విశేష స్పందన వచ్చింది. ఇక ఇదిలా ఉంటే ఈ చిత్రానికి సంబంధించిన ఓ వార్త నెట్టింట తెగ వైరల్‌ అవుతుంది. ఈ చిత్రంలో ప్రశాంత్‌ నీల్‌ కాళీమాత రిఫరెన్స్‌ పెట్టనున్నట్లు తెలుస్తుంది. కేజీఎఫ్‌ మాదిరిలానే కాళీమాత దగ్గర ఓ భారీ సీక్వెన్స్‌ ప్లాన్‌ చేసినట్లు టాలీవుడ్‌ వర్గాల సమాచారం. అవుట్‌ అండ్‌ అవుట్‌ మాస్‌ యాక్షన్‌ ఎంటర్‌టైనర్‌గా తెరకెక్కుతున్న ఈ చిత్రంలో ప్రభాస్‌ తండ్రి, కొడుకుగా రెండు పాత్రల్లో కనిపించనున్నాడు. ప్రభాస్‌కు జోడీగా శృతిహాసన్‌ హీరోయిన్‌గా నటిస్తుంది. మలయాళ స్టార్‌ హీరో పృథ్విరాజ్‌ సుకుమారన్‌ ప్రతినాయకుడి పాత్రలో నటిస్తున్నాడు. ఇటీవలే రిలీజైన పృథ్విరాజ్‌ లుక్‌కు విశేష స్పందన వచ్చింది. ఈ చిత్రాన్ని హోంబలే ఫిలింస్‌ బ్యానర్‌పై విజయ్‌ కిరగందూర్‌ అత్యంత భారీ బ్జడెట్‌తో తెరకెక్కిస్తున్నాడు.