తెలంగాణలో మూడ్రోజుల పాటు వర్షాలు

మెచ్చరించిన వాతావరణశాఖ
హైదరాబాద్‌, మార్చి 24 (ఆంధ్రపత్రిక) : రానున్న మూడు రోజులు తెలంగాణ రాష్ట్ర వ్యాప్తంగా వర్షాలు పడనున్నట్లు వాతావరణ శాఖ ప్రకటించింది. శని, ఆది, సోమవారాల్లో తెలంగాణ జిల్లాలతోపాటు..
హైదరాబాద్‌ లో వర్షాలు పడతాయని హెచ్చరించింది. ఈ మేరకు ఎల్లో అలర్ట్‌ జారీ చేసింది. మార్చి 24వ తేదీ శుక్రవారం తూర్పు జిల్లా, హైదరాబాద్‌ లోనూ తేలికపాటి నుంచి మోస్తరు వర్షాలకు అవకాశాలున్నట్టు తెలిపింది. ఉరుములు, మెరుపులు, ఈదురు గాలులతో కూడిన వడగండ్ల వానలు పడతాయని.. గంటకు 30 నుంచి 40 కిలో విూటర్‌ వేగంతో వీస్తాయని వాతావరణ శాఖ హెచ్చరికలు జారీ చేసింది. మరీ ముఖ్యంగా.. శని, ఆదివారాలు ఉత్తర జిల్లాల్లో భారీ వర్షాలు పడే ఛాన్స్‌ ఉంది వాతావరణ శాఖ స్పష్టం చేసింది. మధ్యాహ్నం వరకు ఎండ తీవ్రత ఎక్కువగా ఉంటుందని.. సాయంత్రానికి వాతావరణ చల్లబడి వర్షాలు కురుస్తాయని తెలిపింది. మొన్నటి వరకూ ఉన్నంత తీవ్రస్థాయిలో ఉరుములు, మెరుపులు, వడగండ్లు పడవు అని.. వర్షాలు అయితే ఉంటాయని వెల్లడిరచింది వాతావరణ శాఖ. ప్రస్తుతం రాష్టంలోని కొన్ని జిల్లాల్లో గరిష్టంగా 36 డిగ్రీలకు పైగా ఉష్ణోగ్రతలు నమోదవుతున్నాయి.