- అనంతలో 12 కిలోవిూటర్ల యాత్ర కొనసాగింపు
- స్వాగతించిన శైలజానాథ్‌, రఘువీరాలు
- భారీగా హాజరైన నేతలు
- రాత్రికి తిరిగి బళ్లారి నుంచి కర్నాటకలో కొనసాగింపు
అనంతపురం,అక్టోబర్‌ 14 (ఆంధ్రపత్రిక): ఎఐసిసి నేత రాహుల్‌ గాంధీ చేపట్టిన భారత్‌ జోడో యాత్ర శుక్రవారం ఆంధ్రప్రదేశ్‌లోని అనంతపురం జిల్లాలోకి ప్రవేశించింది. ఈ సందర్భంగా రాహుల్‌కు శైలజానాథ్‌, రఘువీరారెడ్డి, తులసిరెడ్డి స్వాగతం పలికారు. ముఖ్యంగా డి.హీరేహాల్‌ మండలం కనుక్కుప్ప నుంచి రాహుల్‌ పాదయాత్ర కొనసాగుతోంది. జాజురకల్లు, మడేనహళ్లి, లక్ష్మీపురం, డి హీరేహాల్‌, ఓబులాపురం, ఓబులాపురం చెక్‌పోస్ట్‌ విూదుగా పాదయాత్ర సాగనుంది. ఎపిలో శుక్రవారం 12 కిలోవిూటర్ల వరకు రాహుల్‌ గాంధీ పాదయాత్ర సాగనుంది. మరోవైపు రాహుల్‌ గాంధీ భారత్‌ జూడో యాత్ర సందర్బంగా పోలీస్‌ అధికారులు గట్టి భద్రతను ఏర్పాటు చేశారు. ఆంధ్రా ప్రాంతంలో 12 కిలోవిూటర్లను పూర్తిగా పోలీసు కనుసన్నల్లో ఉండేలా ఆంధ్రా ` కర్ణాటక పోలీస్‌ ఉన్నతాధికారులు చర్యలు చేపట్టారు. బళ్లారి ` బెంగళూరు హైవేలో రాకపోకలకు ఇబ్బంది లేకుండా పూర్తిస్థాయి చర్యలు చేపట్టారు. దేశంలో కాంగ్రెస్‌ పార్టీకి పూర్వ వైభవం తీసుకొచ్చేందుకు ఆ పార్టీ అగ్రనేత రాహుల్‌ గాంధీ భారత్‌ జోడో యాత్ర పేరుతో పాదయాత్ర చేస్తున్నారు. సెప్టెంబర్‌ 7వ తేదీన కన్యాకుమారి నుంచి ప్రారంభమైన ఈ యాత్ర తమిళనాడు, కేరళ రాష్టాల్లో పూర్‌ఖ్తె ప్రస్తుతం కర్ణాటకలో కొనసాగుతోంది. ఉన్నట్లుండి కర్ణాటక నుంచి రాహుల్‌ గాంధీ ఆంధ్రప్రదేశ్‌ లోకి ఎంటర్‌ అయ్యారు. వాస్తవానికి కర్ణాటక తర్వాత ఆంధ్రప్రదేశ్‌ లో ఎంటరై.. కొంత ప్రాంతంలో పాదయాత్ర చేసి ఆ తర్వాత తెలంగాణలోకి భారత్‌ జోడో యాత్ర వెళ్లేలా ఎª`లాన్‌ చేశారు. కర్ణాటకలో యాత్ర పూర్‌ఖ్తెన తర్వాత ఆంధప్రదేశ్‌ లోకి ప్రవేశిస్తుంది. కానీ శుక్రవారం ఆంధప్రదేశ్‌ లోకి రాహుల్‌ గాంధీ భారత్‌ జోడో యాత్ర ప్రవేశించింది. కేవలం ఒక రోజు మాత్రమే ఆయన ఈ యాత్ర చేయనున్నారు. అది కూడా 12 కిలోవిూటర్లు మాత్రమే. రాయలసీమ ప్రాంతంలో కొన్ని ఏరియాలు తమిళనాడు, కర్ణాటకతో సరిహద్దులు కలిగి ఉంటాయి. దీంతో కర్ణాటకలో పర్యటిస్తున్న రాహుల్‌ గాంధీ బళ్లారి ప్రాంతానికి చేరుకుని.. పాదయాత్ర చేస్తున్నారు. అనంతపురం జిల్లా డి.హీరోహల్‌ మండలం జాగర గల్‌ వద్ద ఏపీలో రాహుల్‌ గాంధీ పాదయాత్ర ప్రారంభమైంది. డి.హీరోహల్‌, ఓబులాపురం గ్రామం వరకు ఈ పాదయాత్ర కొనసాగనుంది. సాయంత్రం ఏపీలో పాదయాత్ర ముగించుకుని మళ్లీ కర్ణాటకలో సాగుతుంది.శుక్రవారం మొత్తం 12 కిలోవిూటర్ల మేర ఏపీలో పాదయాత్ర సాగింది. రాత్రికి బళ్లారిలో బస అనంతరం మోకా నుంచి కర్ణాటకలో పాదయాత్ర సాగుతుంది. ఈ నెల 17వ తేదీన కర్నూలు జిల్లా ఆలూరు మండలం లో భారత్‌ జోడో యాత్ర ఆంధ్రప్రదేశ్‌ లోకి ప్రవేశిస్తుంది.రాహుల్‌ గాంధీ చేస్తున్న భారత్‌ జోడో పాదయాత్ర లో పెద్ద ఎత్తున కాంగ్రెస్‌ పార్టీ నాయకులు, కార్యకర్తలు పాల్గొని పార్టీ అగ్ర నేత, ఎంపీ రాహుల్‌ గాంధీతో నడుస్తున్నారు. రాహుల్‌ గాంధీ చేస్తున్న భారత్‌ జోడో పాదయాత్ర ఆంధ్రప్రదేశ్‌ లో ప్రవేశించిన సందర్భంగా ఇక్కడ చేసిన ఏర్పాట్లపై అఖిల భారత కాంగ్రెస్‌ కమిటీ ప్రధాన కార్యదర్శి కేసీ.వేణుగోపాల్‌ అసంతృప్తి వ్యక్తం చేసినట్లు తెలుస్తోంది. ఏపీ కాంగ్రెస్‌ నేతలపై ఆయన పైర్‌ అయినట్లు సమాచారం
