విజ‌య‌వాడ , అక్టోబ‌రు 3, (ఆంధ్ర‌ప‌త్రిక): కాణిపాకం దేవస్థానం త‌ర‌ఫున ఇంద్ర‌కీలాద్రిపై కొలువైన జ‌గ‌న్మాత క‌న‌క‌దుర్గ‌మ్మ‌కు పట్టు వస్త్రాలను స‌మ‌ర్పించారు. కాణిపాకం దేవస్థానం ఈఓ ఎం.వి సురేష్‌బాబు సోమవారం దుర్గాదేవి అలంకారంలో దర్శనమిస్తున్న అమ్మవారిని ద‌ర్శించుకుని పట్టు వస్త్రాలను దుర్గ‌గుడి ఈఓ ద‌ర్భ‌ముళ్ళ భ్ర‌మ‌రాంబ‌కు అమ్మవారి పేరున అందజేశారు. ఏటా శరన్నవరాత్రి ఉత్సవాల్లో సాంప్రదాయంగా అమ్మవారికి పట్టు వస్త్రాలు అందజేయడం జరుగుతుంద‌ని ఈఓ తెలిపారు.
