7న మరోమారు విడుదలవుతున్న నువ్వేనువ్వే

నవంబర్ 02 (ఆంధ్రపత్రిక): మాటల మాంత్రికుడిగా పేరుగాంచిన త్రివిక్రమ్‌ శ్రీనివాస్‌ సృష్టించిన ఎమోషనల్‌ అండ్‌ డ్రామా నేపథ్యంలో తెరకెక్కిన మూవీ నువ్వే నువ్వే మరోసారి థియేటర్లలో సందడి చేయనుంది. నవంబర్‌ 7న త్రివిక్రమ్‌ బర్త్‌ డే సందర్భంగా ఈ సినిమాను మళ్లీ విడుదల చేయనున్నామని చిత్ర నిర్వాహకులు ప్రకటించారు. ఇంకో చెప్పుకో దదగిన విషయం ఏమిటంటే ఈ చిత్రం రిలీజై అక్టోబర్‌ 10వ తేదీ నాటికి సరిగ్గా 20ఏళ్లు పూర్తయింది. ఈ నేపథ్యంలో నవంబర్‌ 4 నుంచి 7వరకు తెలంగాణ, ఏపీ రాష్ట్రాల్లో థియేటర్లలో విడుదల కానుందని మూవీ యూనిట్‌ ఇటీవలే ప్రకటించింది. ఈ మధ్యే 20ఏళ్ల కిందటి విజయాన్ని మరోసారి గుర్తు చేసుకుంటూ మేకర్స్‌ ఓ స్పెషల్‌ ఈవెంట్‌ను కూడా అరెంజ్‌ చేశారు. అంతేకాదు ఏఎంబీ సినిమాలో స్పెషల్‌ షో ఏర్పాటు చేశారు.