ఇక్కడి ప్రజలలో ఎక్కువ శాతం మంది రైల్వే ప్రయాణాన్ని ఎంచుకుంటారు. ఎందుకంటే రైలు ప్రయాణాలు అత్యంత చౌకైనవి మరియు సౌకర్యవంతమైనవి. ప్రతి సంవత్సరం రైల్వేస్టేషన్ల ఆదాయాన్ని రైల్వేశాఖ ప్రకటిస్తుంది. ఇక, ఈ 2023-24 ఆర్థిక సంవత్సరానికి గాను ఎక్కువ ఆదాయం పొందిన 100 రైల్వే స్టేషన్లలో న్యూఢిల్లీ రైల్వే స్టేషన్​ మొదటి స్థానంలో నిలిచింది. ఇక, రెండో స్థానంలో పశ్చిమ బెంగాల్ లోని హౌరా స్టేషన్ ఉండగా, చెన్నైలోని ఎంజీఆర్ సెంట్రల్ రైల్వేస్టేషన్ మూడో స్థానంలో ఉంది. ఇక నాలుగో స్థానంలో సికింద్రాబాద్​ స్టేషన్​ ఉందని రైల్వేశాఖ వివరించింది.

దేశ రాజధాని న్యూఢిల్లీ రైల్వే స్టేషన్‌ నుంచి ప్రతి సంవత్సరం భారతీయ రైల్వేకు రూ.3,337 కోట్ల ఆదాయం వస్తున్నట్లు అధికారులు తెలిపారు. సంపాదన విషయంలో ఈ రైల్వే స్టేషన్ నంబర్ వన్ స్థానంలో ఉన్నట్లు అధికారులు పేర్కొన్నారు. ఇక, కలకత్తా హౌరా రైల్వే స్టేషన్ కు రూ.1,692 కోట్ల వార్షిక ఆదాయం వచ్చింది. మూడోస్థానంలో నిలిచిన చెన్నై సెంట్రల్ రూ.1,299 కోట్ల ఆదాయం వచ్చింది. నాలుగోస్థానంలో వచ్చిన సికింద్రాబాద్​ స్టేషన్‌ రూ. 1,276 కోట్ల ఆదాయం సంపాదించింది. వీటితోపాటు మరికొన్ని రైల్వేస్టేషన్ల జాబితాను కూడా ప్రకటించారు. అందులో 500 కోట్ల కంటే ఎక్కువ ఆదాయం వస్తున్న రైల్వే స్లేషన్లు నాన్ సబర్బన్ గ్రూప్ 1 కేటగిరీ కింద చేర్చారు. ఈ జాబితాలో దేశంలోని 28 రైల్వే స్టేషన్లు స్థానం దక్కించుకున్నాయి. ఆ జాబితా ఏంటో ఓసారి చూసేద్దాం..

సంఖ్య పరంగా చూస్తే…

అధికశాతం ప్రయాణికులు వచ్చే రైల్వేస్టేషన్లను పరిశీలిస్టే.. అందులో సంఖ్య పరంగా ముంబైలోని థానే రైల్వే స్టేషన్ మొదటిస్థానంలో నిలిచింది. 2023-24 ఆర్ధిక సంవత్సరానికి గాను 93.06 కోట్ల మంది ప్రయాణికులు ఈ రైల్వేస్టేషన్ గుండా ప్రయాణం సాగించారు. రెండోస్థానంలో ముంబైలోని కల్యాణ్ రైల్వే స్టేషన్ నిలిచింది. ప్రతి సంవత్సరం ఈ రైల్వేస్టేషన్ నుండి సుమారు 83.79 కోట్ల మంది ప్రయాణం చేస్తున్నట్లు అధికారుల జాబితాలో తెలిసింది.

న్యూఢిల్లీలోని రైల్వే స్టేషన్ నుంచి సుమారు 39.36 కోట్ల మంది ప్రయాణిస్తున్నారు. సికింద్రాబాద్ రైల్వేస్టేషన్ కూడా ఈ జాబితాలో చోటు సంపాదించుకుంది. దక్షిణ మధ్య రైల్వేలో సికింద్రాబాద్ రైల్వేస్టేషన్ తర్వాత ఎన్ఎస్‌జీ 1 హోదా విజయవాడ రైల్వేస్టేషన్‌కు మాత్రమే దక్కింది. ఇప్పడు సాధించిన ఈ గుర్తింపులతో కేంద్రం ఈ స్టేషన్లకు మరిన్ని నిధులు కేటాయించనున్నట్లు సమాచాం. వీటితోపాటు ప్రయాణికులకు ఆధునిక సౌకర్యాలు కల్పించనున్నట్లు రైల్వే అధికారి పేర్కొన్నారు.

2023-24 ఆర్థిక సంవత్సరానికిగాను రైల్వేశాఖ ప్రకటించిన ఆదాయం వివరాలివే..

న్యూఢిల్లీ – రూ. 3,337 కోట్లు

హౌరా ( వెస్ట్​ బెంగాల్​) – రూ. 1,692 కోట్లు

చెన్నై సెంట్రల్​(తమిళనాడు) – రూ. 1,299కోట్లు

సికింద్రాబాద్( తెలంగాణ) – రూ. 1,276 కోట్లు

హజరత్​ నిజాముద్దీన్​( ఢిల్లీ) – రూ. 1,227 కోట్లు

లోకమాన్య తిలక్​ టెర్నినల్(ముంబై)​- రూ. 1,036 కోట్లు

అహ్మదాబాద్​ ( గుజరాత్​) – రూ. 1,010 కోట్లు

ముంబై సీఎస్​టీ (మహారాష్ట్ర) – రూ. 982 కోట్లు

ప్రయాణికుల సంఖ్య పరంగా పరిశీలిస్తే..

న్యూఢిల్లీ – 39,362, 272 మంది

హౌరా ( వెస్ట్​ బెంగాల్​) – 61,329,319 మంది

చెన్నై సెంట్రల్​(తమిళనాడు) – 30,599,837 మంది

సికింద్రాబాద్( తెలంగాణ)- 27,776,937 మంది

హజరత్​ నిజాముద్దీన్​( ఢిల్లీ)- 14,537,686 మంది

లోకమాన్య తిలక్​ టెర్నినల్(ముంబై)​-14,680,379 మంది

అహ్మదాబాద్​ ( గుజరాత్​) – 18,260,021 మంది

ముంబై సీఎస్​టీ (మహారాష్ట్ర) – 51, 652,230 మంది