ప్రీప్రొడక్షన్‌ పనుల్లో నాగశౌర్య సినిమా

నవంబర్ 05 (ఆంధ్రపత్రిక): ఇదిలా ఉంటే నాగశౌర్య ఇటీవలే తన నెక్ట్స్‌ సినిమాను ప్రకటించిన విషయం తెలిసిందే. ’ఎన్‌సి24’గా తెరకెక్కుతున్న ఈ చిత్రానికి అరుణాచలం దర్శకత్వం వహిస్తున్నాడు. ప్రస్తుతం ఈ సినిమా ప్రీ ప్రొడక్షన్‌ పనులను జరుపుకుంటుంది.కాగా తాజాగా చిత్రయూనిట్‌ ఈ సినిమాకు సంబంధించిన బిగ్‌ అప్‌డేట్‌ను ప్రకటించింది. ఈ చిత్రానికి ప్రముఖ సినిమాటోగ్రాఫర్‌ వెట్రీ పలనిస్వామి ఛాయగ్రాహకుడిగా పనిచేయనున్నట్లు చిత్రబృందం తాజాగా ప్రకటించింది. ఫ్యామిలీ, యాక్షన్‌ ఎంటర్‌టైనర్‌గా తెరకెక్కనున్న ఈ చిత్రాన్ని వైష్ణవి ఫిలింస్‌ బ్యానర్‌పై శ్రీనివాస్‌ రావు, విజయ్‌ కుమార్‌, అరుణ్‌కుమార్‌ సంయుక్తంగా నిర్మిస్తున్నారు.ఈ సినిమాలో నాగశౌర్య గత చిత్రాలకంటే భిన్నంగా కనిపిస్తాడని చిత్రబృందం ఇటీవలే వెల్లడిరచింది. కాగా ఈ చిత్రానికి సంబంధించిన నటీనటులు, సాంకేతిక నిపుణుల గురించి త్వరలోనే ప్రకటించనున్నట్లు తెలిపారు. ఈ సినిమా పూజా కార్యక్రమాలు ఆదివారం హైదరాబాద్‌లో ఘనంగా జరుగనున్నాయి.