మళయాలం రీమేక్‌పై నాగ్‌ కన్ను

నవంబర్ 24 (ఆంధ్రపత్రిక): మెగాస్టార్‌ చిరంజీవి బాటలోనే హీరో కింగ్‌ నాగార్జున కూడా మలయాళ రీమేక్‌ పై కన్నేసాడు. ఇటీవల స్టెయ్రిట్‌ స్టోరీస్‌ తో నాగ్‌ చేసిన ’వైల్డ్‌ డాగ్‌ ’ ’ది ఘోస్ట్‌’ సినిమాలు భారీ అంచనాల మధ్య విడుదలై తీవ్ర నిరాశకు గురి చేశాయి. దీంతో నాగ్‌ రీమేక్‌ సినిమా అయితే బెటర్‌ అని ఓ మలయాళ సినిమాపై కన్నేశాడని తెలిసింది. ’పోరింజు మరిమమ్‌ జోస్‌’. జోజు జార్జ్‌ ప్రధాన పాత్రలో జోషీ రూపొందించిన ఈ మూవీ ఇది. తెలుగులో కృష్ణంరాజుతో ’అంతిమ తీర్పు’ వంటి సంచలన చిత్రాన్ని తెరకెక్కించిన జోషీ ఈ మూవీని రూపొందించారు. 2019లో విడుదలైన ఈ సినిమా అక్కడ సంచలన విజయాన్ని సొంతం చేసుకుంది. ఈ మూవీని చూసిన నాగార్జున ఇంప్రెస్‌ అయ్యారట. దీన్ని తెలుగులో రీమేక్‌ చేయాలని ఫిక్సయ్యారని వార్తలు వినిపిస్తున్నాయి. త్రినాథరావు నక్కిన రూపొందించిన పలు సినిమాలకు రైటర్‌గా వ్యవహరిస్తూ వస్తున్న ప్రసన్న కుమార్‌ బెజవాడ ఈ రీమేక్‌ తో దర్శకుడిగా పరిచయం కాబోతున్నాడు. ఈ రీమేక్‌ మూవీని శ్రీనివాస సిల్వర్‌ స్క్రీన్స్‌ బ్యానర్‌ పై నిర్మాత శ్రీనివాస చిట్టూరి నిర్మించనున్నారట. ఇటీవల రామ్‌ తో ’ది వారియర్‌’ నిర్మించి ప్రస్తుతం నాగచైతన్య తో ’కస్టడీ’ మూవీలని అందిస్తున్న శ్రీనివాస చిట్టూరి ఈ రీమేక్‌ ని నిర్మించనున్నారని తెలుస్తోంది. ఈ ప్రాజెక్ట్‌ కి సంబంధించిన మరిన్ని వివరాలు త్వరలోనే అధికారికంగా వెల్లడిరచనున్నారని తెలిసింది.