సాయిభక్తులచే సామూహిక సీమంతాలు   

కె.కోటపాడు,ఏప్రిల్08(ఆంధ్రపత్రిక):భగవాన్ శ్రీసత్యసాయి సంస్థల ఆధ్వర్యంలో మండలంలోని కె.సంతపాలెంలో శనివారం శ్రీ రామాలయంలో గర్భిణులకు సామూహిక సీమంతాలు చేశారు. గ్రామంలో ఐదుగురు గర్భిణులకు శ్రీ సత్యసాయి భజన మండలికి చెందిన మహిళాభక్తులు సీమంతాలు చేశారు. ఈకార్యక్రమంలో శ్రీసత్యసాయి సంస్థల జిల్లా సేవాదళ్ సమన్వయకర్త కశిరెడ్డి అప్పలనాయుడు, భజన మండళ్ళ మండల ఇంచార్జి కన్నూరు అప్పలనాయుడు, కె.కోటపాడు సమితి కన్వీనరు బండారు నారాయణపాత్రుడు, బాలవికాస్ గురువు సర్వశుద్ధి మాధురి, సాయి భక్తులు కశిరెడ్డి సన్యాసినాయుడు, నాగమయ్య వెన్నల లక్ష్మీ, అంగన్వాడీ కార్యకర్త పి.భవానీ గ్రామస్తులు పాల్గొన్నారు.