ఎన్టీఆర్ ఆశయసాధనలో పునరంకితమవుదాం

కె.కోటపాడు,మార్చి29(ఆంధ్రపత్రిక): అన్న ఎన్టీఆర్ ఆశయ సాధనలో అందరం పునరంకిత మవుదామని మండల టిడిపి అధ్యక్షులు రొంగలి మహేష్ అన్నారు. టిడిపి 41వ ఆవిర్భావ దినోత్సవాన్ని పురస్కరించుకొని పార్టీశ్రేణులు బుధవారం ఇక్కడి మూడురోడ్ల కూడలిలో స్వర్గీయ ఎన్టీఆర్ విగ్రహానికి పూలమాలలు వేశారు.పార్టీ పతాకాన్ని ఎగురవేశారు. ఈ సందర్భంగా మహేష్ మాట్లాడుతూ పార్టీ జాతీయ అధ్యక్షులు చంద్రబాబు మార్గదర్శకంలో, యువనేత లోకేష్ అడుగుజాడల్లో మనందరం పయణించి రాష్ట్రంలో జనరంజకమైన సుస్థిర పాలనస్థాపనకు కృషి చేద్దామన్నారు. ఈ కార్యక్రమంలో మండల టిడిపి మాజీ అధ్యక్షులు సబ్బవరపు రామునాయుడు, సీనియర్ నాయకులు బత్తి వెంకటరమణ, కశిరెడ్డి అప్పలనాయుడు, నాయకులు పూడి నారాయణమూర్తి,డోకల నరసింహమూర్తి, బండారు నరసింహనాయుడు, పూడి శ్రీను, భూపతి అప్పలరాజు,రెడ్డి అప్పారావు, పైల గోపి,బొజ్జ మహాలక్ష్మినాయుడు, రావాడ వెంకటరమణ, బండారు సూర్యనారాయణమూర్తి, నారెం తాతబాబు తదితరులు పాల్గొన్నారు.