లేటుగా స్టార్‌డమ్

అక్టోబర్ 9 (ఆంధ్రపత్రిక): సీతారామం సినిమాతో తెలుగులో ఒక్కసారిగా పాపు లారిటీని సొంతం చేసుకున్న ముద్దుగుమ్మ మృణాల్‌ ఠాకూర్‌. హిందీలో ఈమె సినిమాల్లో ఎంట్రీ ఇచ్చి చాలా కాలం అయ్యింది.. అంతకు ముందే సీరియల్స్‌లో కూడా ఈ అమ్మడు చాలానే పాపులారిటీని సొంతం చేసుకుంది. కానీ ప్రస్తుతం దక్కిన స్టార్‌ డమ్‌.. సూపర్‌ హిట్‌ మాత్రం ఆమెకు ఇన్నాళ్ల సినీ కెరీర్‌లో దక్కలేదనే చెప్పాలి. దుల్కర్‌ సల్మాన్‌ హీరోగా హను రాఘవపూడి దర్శకత్వంలో రూపొందిన సీతారామం సినిమాలో సీత పాత్రకు అచ్చు గుద్దినట్లుగా అద్భుతంగా సెట్‌ అవ్వడంతో ప్రతి ఒక్కరు కూడా ఫిదా అయ్యారు.. ఇంకా కూడా అవుతూనే ఉన్నారు. ప్రస్తుతం టాలీవుడ్‌లో వరుసగా సినీ ఆఫర్లు దక్కించుకుంటున్న ముద్దుగుమ్మ మృణాల్‌ ఠాకూర్‌ తాజాగా ఒక ఇంటర్వ్యూలో వెళ్లడిరచిన విషయాలు ఆసక్తికరంగా మారాయి. ఒక పాత్ర కోసం వేశ్య గృహంలో ఉండాల్సి వచ్చిందని చెప్పిన మృణాల్‌ ఠాకూర్‌ కెరీర్‌ ఆరంభంలో తాను ఎదుర్కొన్న సవాళ్లు గురించి పలు ఆసక్తికర విషయాలను చెప్పింది. ఇదే సమయంలో ఆమె తన వయసు గురించి కాస్త అసహనంతో మాట్లాడిరది. నా వయసు ప్రస్తావన వచ్చిన ప్రతి సారి కూడా చాలా మంది పెళ్లి గురించి అడుగుతూ ఉంటారని.. ప్రేమలో పడలేదా అంటూ ఆశ్చర్యంగా ఫేస్‌ పెడతారు అంటూ మృణాల్‌ పేర్కొంది.