కీర్తన పెన్సిలుతో గీసి.. కళకు పునర్జీవం పోసి….

కె.కోటపాడు,ఫిబ్రవరి10(ఆంధ్రపత్రిక):కళకు ప్రాణం పోయాలంటే కళాకారులకు ప్రోత్సాహం, అవకాశం ఎంతో అవసరం. నృత్య కళాకారులకైనా, చిత్రకారులకైనా కరతాళ ధ్వనులు కరచాలనాలే కొడంత అండ, దండ. కళల్లో చిత్రలేఖన మొకటి.ఆ చిత్రలేఖనంలో పెన్సిల్ తో బొమ్మలు వేయడం ఓప్రత్యేకత. ఆండ్రాయిడ్ ఫోన్‌లు, అనేక ఆర్ట్స్ యాప్‌లు(అప్లికేషన్స్) అందుబాటులోకి రావడంతో చిత్రకారుల చేతికి పని, చిత్రాలకు ఆదరణ కరువైంది. స్మార్ట్ ఫోన్స్ లో పెన్సిల్ స్కెచ్ ఆర్ట్స్ క్షణాల్లో రెడీ అవుతున్నాయి. అయినా పెన్సిల్ తో బొమ్మలు వేసే ఔత్సాహిక కళాకారులు అక్కడక్కడ లేకపోలేరు. అనకాపల్లి జిల్లా కశింకోటకు చెందిన దిగుమర్తి కీర్తన గోపాల పట్నం ఎస్.వి.వి.పి. డిగ్రీ కాలేజ్ లో చదువుతోంది.పెన్సిల్ తో బొమ్మలు వేయడమంటే ఆసక్తి. తను ఉంటున్న కాలేజీ హాస్టల్ వెల్ఫేర్ ఆఫీసర్ గెడ్డం లక్ష్మి ఫోటోను పెన్సిల్ తో గీసింది. క్షణాల్లో స్మార్ట్ ఫోన్ లో పెన్సిల్ స్కెచ్ తో మన ఫోటోను మనం చూసుకునే అవకాశం ఉన్నా స్వహస్తాలతో కీర్తన గీసిన బొమ్మ ఆకట్టుకుంది. సహచర విద్యార్థుల నుంచి ప్రశంసలు, ప్రోత్సాహం అందుకుంది.