చంద్రముఖి2లో కంగనా!

డిసెంబర్ 11 (ఆంధ్రపత్రిక): కోలీవుడ్‌ స్టార్‌ హీరోల్లో రజనీ కాంత్‌ ఒకరు.. ఈయనకు టాలీవుడ్‌లో మాత్రమే కాదు.. ఇండియా వైడ్‌ ఫాలోయింగ్‌ ఉంది.. ఇక తమిళనాడులో అయినా ఈయన ఫాలోయింగ్‌ గురించి చెప్పాల్సిన అవసరం కూడా లేదు. ఈయన సినిమా అంటే ముందే నుండే భారీ క్రేజ్‌ ఉంటుంది.. థియేటర్‌ల దగ్గర ఫ్యాన్స్‌ సందడి మాములుగా ఉండదు.. ఈయన అంటే కేవలం సాధారణ ప్రేక్షకులకు మాత్రమే కాదు. సినీ సెలెబ్రెటీలకు కూడా గౌరవం ఉంది.ఇక ఈయన కెరీర్‌లో మరపురాని సినిమాలలో చంద్రముఖి ఒకటి.. 2005లో రిలీజ్‌ అయినా ఈ సినిమా తమిళ్‌తో పాటు తెలుగు భాషల్లో బ్లాక్‌ బస్టర్‌ హిట్‌ కొట్టింది. ఈ సినిమాను పి వాసు డైరెక్ట్‌ చేయగా శివాజీ ప్రొడక్షన్స్‌ బ్యానర్‌పై హీరో ప్రభు, రామ్‌ కుమార్‌ గణేషన్‌ కలిసి నిర్మించారు. రజనీకాంత్‌ వరుసగా ప్లాపులు ఎదుర్కుంటున్న సమయంలో చంద్రముఖి వంటి బ్లాక్‌ బస్టర్‌ సినిమా వచ్చింది. ఇక అలాంటి బ్లాక్‌ బస్టర్‌ సినిమాకు ఇన్నేళ్ల తర్వాత సీక్వెల్‌గా చంద్రముఖి 2 రాబోతుంది. పి.వాసు డైరెక్ట్‌ చేయబోతుండగా లైకా ప్రొడక్షన్స్‌ బ్యానర్‌పై సుభాస్కరన్‌ ఈ సినిమాను భారీ స్థాయిలో నిర్మిస్తున్నారు. అయితే ఈసారి ఇందులో హీరో రజనీకాంత్‌ కాదు. రాఘవ లారెన్స్‌ ఈ సినిమాలో హీరోగా నటిస్తున్నారు. ఎంతో గ్రాండ్‌గా నిర్మించబోతున్న ఈ సినిమాకు ఎంఎం కీరవాణి సంగీతం అందిస్తున్నారు.. ఇదిలా ఉండగా తాజాగా ఈ సినిమాలో హీరోయిన్‌గా ఎవరు అనేది అఫిషియల్‌గా ప్రకటించారు. ఈ సినిమాలో హీరోయిన్‌గా బాలీవుడ్‌ క్వీన్‌ కంగనా నటిస్తుంది అనే వార్త గత కొన్నాళ్లుగా వైరల్‌ అవుతూనే ఉంది.. కానీ ఈ రూమర్స్‌పై ఇన్నాళ్ళుగా మేకర్స్‌ స్పందిస్తూ అఫిషియల్‌ ప్రకటన వచ్చింది. ఇందులో కంగనా రనౌత్‌ హీరోయిన్‌గా నటిస్తుంది అని కన్ఫర్మ్‌ చేసారు. చూడాలి ఈ సినిమా ఎలా అలరిస్తుందో.