జనసేన నుండి వై.సి.పిలోకి చేరికలు

రావులపాలెం,పిబ్రవరి 5 (ఆంధ్రపత్రిక) :మండలం పరిధి ఈతకోట జనసేన పార్టీకి చెందిన పలువురు ప్రభుత్వ విప్‌ ఎమ్మెల్యే చిర్ల జగ్గిరెడ్డి ఆధ్వర్యంలో వైసిపి పార్టీ లో చేరారు.ఆదివారం ఈతకోట వైసిపి నాయకులు ఆధ్వర్యంలో కరాటి గణపతి,సజ్జా సాయిరామ్‌, గండ్రోతు వాసు,తోట దుర్గారావు, ఏపుగంటి గణపతి,ఏపుగంటి వెంకటేష్‌,ఏపుగంటి మూర్తి,జనిపిరెడ్డి అశోక్‌,జనిపిరెడ్డి మణికంఠ,శ్రీఘాకొల్లపు శ్రీహరి,రాచకొండ వాసు,తోట ధనరాజు,తొండూరి అమ్మన్న, దంగేటి బాబీ,కుంపట్ల మణి తదితరులు ఎమ్మెల్యే చిర్ల సమక్షంలో పార్టీ తీర్ధం పుచ్చుకున్నారు.వీరికి ఎమ్మెల్యే వై.యస్‌.ఆర్‌.కాంగ్రెస్‌ పార్టీ కండువా కప్పి సాదరంగా ఆహ్వానించారు.ఈసందర్భంగా ఎమ్మెల్యే చిర్ల మాట్లాడుతూ ముఖ్యమంత్రి జగన్మోహన్‌ రెడ్డి అందిస్తున్న సంక్షేమ పథకాలు, అభివృద్ధి ని చూసి పలువురు పార్టీ లో చేరుతున్నారన్నారు.పార్టీ లో జాయిన్‌ అయిన వీరందరికీ ప్రత్యేక స్థానంఉంటుందన్నారు.ఈకార్యక్రమంలో వైసీపీ నాయకులు, కార్యకర్తలు తదితరులు పాల్గొన్నారు.