విశాఖ సాగర తీరంలో జనసేనాని

విశాఖపట్నం,నవంబర్‌ 12 (ఆంధ్రపత్రిక): రాజకీయాలు, సినిమాలతో నిత్యం బిజీగా ఉండే జనసేన అధినేత పవన్‌ కల్యాణ్‌ విశాఖ సాగరతీరంలో కాసేపు సరదాగా గడిపారు. పార్టీ నేతలతో కలిసి కాపులప్పాడ బీచ్‌ను సందర్శించిన ఆయన స్థానిక మత్స్యకారులతో మాట్లాడి వారి సమస్యలు తెలుసుకున్నారు.అనంతరం విశాఖ రుషికొండ ప్రాంతాన్ని పరిశీలించారు. జనసేన పీఏసీ ఛైర్మన్‌ నాదెండ్ల మనోహర్‌, విశాఖ కార్పొరేటర్‌ పీతల మూర్తియాదవ్‌ తదితరులు పవన్‌ వెంట ఉన్నారు. రెండ్రోజుల విశాఖ పర్యటనలో భాగంగా నిన్న సాయంత్రం విశాఖ చేరుకున్న పవన్‌ శుక్రవారం రాత్రి ప్రధాని మోదీతో భేటీ అయిన విషయం తెలిసిందే.