వీఎస్‌ఎస్‌ భూముల్లో అక్రమంగా చెట్లు నరికివేత

నక్కపల్లి,నవంబర్‌ 17, (ఆంధ్రపత్రిక) : మండలంలోని చినతీనార్ల గ్రామంలో నూకతాత గంగాదేవి వనసరంక్షణ సమితి పరిధిలో గల అటవీ భూముల్లో కొందరు గుట్టుచప్పుడు గాకుండా అక్రమంగా చెట్లను నరికివేస్తు న్నట్టు అటవీశాఖ సిబ్బంది, వీఎస్‌ఎస్‌ ప్రతినిధులు గుర్తించారు.ఈ మేరకు అటవీశాఖ ఫారెస్ట్‌ సెక్షన్‌ ఆఫీసర్‌ కృష్ణ, వీఎస్‌ఎస్‌ అధ్యక్షుడు కంబాల కొర్ల య్య ఈ విషయం తెలిసి వీఎస్‌ఎస్‌ భూముల్లో నరికివేతకు గురైన చెట్లను పరిశీలించారు. ఎటువంటి అనుమతులు లేకుండా అటవీ భూముల్లో ఇష్టానుసారం చెట్లు నరికివేస్తున్నారని దీనిపై డీఎఫ్‌ ఓ స్థాయి అధికారులు చర్యలు తీసుకోవాలని కొరయ్య కోరారు.ఈ విషయాన్ని ఉన్నతాధికారుల దృష్టికి తీసుకెళతామని సెక్షన్‌ ఆఫీసర్‌ కృష్ణ చెప్పారు.