భారీగా బయటపడ్డ గంజాయి

అనంతగిరి ఫిబ్రవరీ  9 ఆంధ్రపత్రిక): విశాఖ – అరకు లోయ ప్రధాన రహదారి లో భారీగా గంజాయి బయటపడింది. గంజాయిని స్వాధీనం చేసుకున్న పోలీసులు దర్యాప్తు చేస్తున్నారు. గురువారం ఉదయం అరకులోయ ప్రాంతం నుండి మైధాన ప్రాంతానికి వెళుతున్న ఏపీ 24ax6789 నెంబర్ గల కారు అనంతగిరి సమీపంలో గల హెయిర్ పిన్ బెండ్స్ 8 కార్నర్ వద్ద ప్రమాదానికి గురైంది. ఈ ప్రమాదంలో గంజాయి బయటపడి విస్మయానికి గురి చేస్తోంది.గంజాయి తరలిస్తున్న కారు ప్రమాదానికి గురికావడంతో ఆరు గంజాయి బస్తాలు బయటపడ్డాయి. గంజాయి భారీగా బయటపడడంతో స్మగ్లర్లు పరారైనారు. గంజాయి కారు  రోడ్డు ప్రమాదం సమాచారం అందుకున్న అరకులోయ, అనంతగిరి పోలీసులు సంఘటనా స్థలానికి చేరుకుని పరిశీలించి కేసు నమోదు చేసారు. కారు నెంబర్ ఆధారంగా స్మగ్లర్ల పై దర్యాప్తు మొదలెట్టారు. అయితే గంజాయి కారు నెంబర్ బోగస్ నెంబర్ గా అనుమానాలు వ్యక్తం అవుతున్నాయి.