ఉత్తరప్రదేశ్‌లోని చిత్రకూట్ చూడడానికి వచ్చిన మహిళను స్థానికుడైన ఇర్షాద్ ట్రాప్ చేశాడు. ప్రేమ పేరుతో ఆమెకు దగ్గరయ్యాడు. ఆమెపై అత్యాచారానికి పాల్పడ్డాడు. ఆ ఘటన మొత్తాన్నీ వీడియో తీసి దాంతో బ్లాక్‌మెయిల్ చేయడం ప్రారంభించాడు. తనను పెళ్లి చేసుకోకపోతే ఆ వీడియోను వైరల్ చేస్తానని బెదిరించాడు. దీంతో ఆ మహిళ ఇర్షాద్‌ను వివాహం చేసుకుని, అతడి దగ్గరే ఉండిపోయింది. కొన్ని రోజుల తర్వాత పోలీసుల ద్వారా ఇర్షాద్‌కు షాకింగ్ విషయం తెలిసింది. తన భార్యపై మధ్యప్రదేశ్‌లో 22 ఛీటింగ్ కేసులు ఉన్నాయని తెలిసింది (Robber Bride).

ఆ మహిళ మధ్యప్రదేశ్‌లోని పలు ప్రాంతాల్లో అప్పటికే 22 మందిని దొంగ వివాహాలు (Fake Marriages) చేసుకుని, వారి నగలు, డబ్బు అపహరించింది. దీంతో వారందరూ ఆమెపై కేసులు పెట్టారు. అక్కడి నుంచి తప్పించుకుని ఉత్తరప్రదేశ్ వచ్చిన ఆమెను ఇర్షాద్ వివాహం చేసుకున్నాడు. మధ్యప్రదేశ్ పోలీసులు ఆమె కోసం గాలిస్తూ యూపీలోని చిత్రకూట్ పోలీసులకు సమాచారం అందించారు. దీంతో ఇర్షాద్‌కు అసలు విషయం తెలిసి షాకయ్యాడు. ప్రస్తుతం ఆమెను పోలీసులు విచారిస్తున్నారు.