పల్నాడు జిల్లా,సెప్టెంబర్ 24 (ఆంధ్రపత్రిక): జనవిజ్ఞాన వేదిక నిర్వహిస్తున్న సాహితీ సాంస్కృతిక దశ దినోత్సవాలలో భాగంగా ఆరో రోజైన శనివారం మండల కేంద్రమైన ఎడ్లపాడులోని నారాయణ స్కూల్ లో రచయిత, ప్రచురణ కర్త, సినీ నిర్మాత చక్రపాణి వర్ధంతి కార్యక్రమం జరిగింది.
పాఠశాల ప్రిన్సిపాల్ సిహెచ్ సృజన చక్రపాణి జీవిత విశేషాలను విద్యార్థులకు వివరించారు. బహుముఖ ప్రజ్ఞావంతుడైన చక్రపాణి విజయవంతమైన జీవితాన్ని ప్రతి ఒక్కరు ఆదర్శంగా తీసుకోవాలన్నారు.ఇందులో భాగంగా విద్యార్థులకు పోటీ నిర్వహించి బహుమతులు అందజేశారు. ఈ కార్యక్రమంలో జనవిజ్ఞాన వేదిక జిల్లా అధ్యక్షులు దార్ల బుజ్జిబాబు, పాఠశాల ఉపాధ్యాయిని ఉపాధ్యాయులు పాల్గొన్నారు.
