అనకాపల్లి అభివృద్ధిపై దృష్టి పెట్టాలి

అనకాపల్లి,అక్టోబర్‌ 19 (ఆంధ్రపత్రిక) : మూడు రాజధానులు విషయం పక్కన పెట్టి అనకాపల్లి అభివృద్ధి పై దృష్టి పెట్టకుండా మంత్రి అమర్నాథ్‌ ఉపన్యాసాలు ,అవాకులు, చెవాకులు మానాలని జనసైనికులు అన్నారు. జనసేన అధినేత పవన్‌ కళ్యాణ్‌ పై వ్యక్తి గత దూషణలు చేసిన మంత్రి అమర్నాథ్‌ అనకాపల్లి అభివృద్ధి పై ఎన్నికల హామీలు ఏమయ్యాయ్యో చర్చకు రావాలని నిరసన తెలియజేస్తూ జనసైనికులు నాల్గు రోడ్ల జంక్షన్‌ లో బుధవారం ర్యాలీ చేసి సవాల్‌ విసిరారు. ఈ సందర్భంగా జనసైనికులు శ్రీ రామ దాసు గోవింద,తాడి రామకృష్ణ,దూలం గోపి ,మళ్ళ శ్రీను,భర్ని కాన రాము,తదితరులు మాట్లాడుతూ పట్టణ సమస్యలు పట్టని మంత్రి అమర్నాథ్‌ పవన్‌ కళ్యాణ్‌ పై వ్యక్తి గత విమర్శలు చేస్తే సరికాదని అన్నారు.అనకాపల్లి అందాల పల్లి నీ చేస్తానని హామీలు గాలికి వొదిలి తన ఆర్థిక అభివృద్ధి కే నిరంతరం పనిచేస్తున్న అమర్నాథ్‌ పవన్‌ కళ్యాణ్‌ పై విమర్శకు దిగడం చాల ఆశ్చర్యం గా వుందన్నారు. అన్ని విధాలా పట్టణన్ని అభివృద్ధికి ఆమడ దూరంలో వుంచి భూకబ్జా లలో తన దైన శైలిలో ముందుకు వెళ్తున్న అమర్నాథ్‌ పట్టణ నడిబొడ్డున చర్చకు సిద్ధమా అని సవాల్‌ చేశారు. పార్టీ కార్యాలయాల్లోనూ,సమావేశాల్లోనూ,సర్క్యూట్‌ హౌస్‌ లోను మాట్లాడడం కాదు నాల్గు రోడ్ల జంక్షన్‌ లో పట్టణ దుస్థితి పై మాట్లాడదాం చర్చకు సిద్ధమా అని అన్నారు. అనంతరం అమర్నాథ్‌ దిష్టి బొమ్మను దగ్ధం చేశారు. ఈ కార్యక్రమంలో అప్పికొండ గణేష్‌,జగదీష్‌, కోరిబిల్లి ప్రశాంత్‌,సురభి,బుదిరెడ్డి హరీష్‌, కొట్ని వెంకట్‌,సూరిబాబు, పీజే,గల్లా వినోద్‌, గొల్లవిల్లి రాజు, పెద్దదా సా, కే.లక్ష్మణ్‌,దివాకర్‌,మళ్ళ వంశీ,మోహన్‌ తదితరులు పాల్గొన్నారు.