ఇంద్ర‌కీలాద్రిపై ద‌స‌రా ఉత్స‌వాలు… తొలి రోజు ఆదాయం రూ.26ల‌క్ష‌లు…

విజ‌య‌వాడ , సెప్టెంబ‌రు 27 (ఆంధ్ర‌ప‌త్రిక‌): ఇంద్ర‌కీలాద్రిపై శ్రీదుర్గామ‌ల్లేశ్వ‌ర స్వామివార్ల దేవ‌స్థానంలో జ‌రుగుతున్న దసరా నవరాత్రులు తొలిరోజు సోమవారం నాడు వివిధ సేవా టిక్కెట్లు, ప్రసాదాలు విక్ర‌యాలు ద్వారా రూ.26 లక్షల10 వేల 444 ఆదాయం వచ్చినట్లు దుర్గ‌గుడి ఈఓ ద‌ర్భ‌ముళ్ళ భ్రమరాంబ మంగళవారం ఒక ప్రకటనలో తెలిపారు. రూ.500 టిక్కెట్ల అమ్మకాల ద్వారా రూ.లక్షా 81 వేల 500, రూ.300 టిక్కెట్ల అమ్మకాల ద్వారా రూ.9 లక్షల 67 వేల 500, రూ.100 టిక్కెట్ల అమ్మకం ద్వారా రూ.5 లక్షల 13 వేల 600 ఆర్జించడం జరిగిందని, అలాగే లడ్డూ ప్రసాదం ద్వారా రూ.7.07 లక్షలు, కుంకుమార్చన టిక్కెట్ల ద్వారా రూ.1.20 లక్ష‌లు, చండీ హోమం టిక్కెట్ల ద్వారా రూ.68 వేలు, ఇతర సేవలు ద్వారా రూ.52,680 ఆదాయం సమకూరినట్లు తెలిపారు.