కాసాని కౌసల్య మృతికి సంతాపం తెలిపిన డాక్టర్ పితాని అన్నవరం

కాకినాడ, ఫిబ్రవరి 5 (ఆంధ్ర పత్రిక) : తెలంగాణ రాష్ట్రానికి చెందిన 93 బీసీ కులాల ఐక్యవేదిక వ్యవస్థాపక అధ్యక్షుడు కాసాని జ్ఞానేశ్వర్ మాతృమూర్తి కౌసల్య మృతికి డాక్టర్ పితాని అన్నవరం సంతాపం వ్యక్తం చేశారు. ముందుగా ఆమె చిత్రపటానికి పూలమాలవేసి నివాళులర్పించారు. అనంతరం వృద్ధులకు పండ్లు అందించారు. కార్యక్రమాన్ని ఉద్దేశించి అన్నవరం మాట్లాడుతూ కాసాని కౌసల్య మృతి జ్ఞానేశ్వర్ కు ఎంతగానో తీరని లోటు అని అన్నారు. జ్ఞానేశ్వర్ బీసీ ఎస్సీ ఎస్టీ మైనార్టీల హక్కుల సాధన ఉద్యమాలలో కౌసల్య పాత్ర ఎనలేనిదన్నారు. కౌసల్య మృతికి హాజరైన పలువురు ప్రముఖులు సంతాపం వ్యక్తం చేశారు.