క్షయ వ్యాధిగ్రస్తులకు పోషకాహారం పంపిణీ

 మునగపాక ఫిబ్రవరి 15 (ఆంధ్ర పత్రిక ) ;  పూర్తిస్థాయిలో పోషకాహారాన్ని అందించడం ద్వారా క్షయ వ్యాధి నివారణకు కృషి చేయవచ్చునని డాక్టర్లు ఇస్తేర్ రాణి, వినోద్ కుమార్ లు తెలిపారు. చూచుకొండ  ప్రాథమిక ఆరోగ్య కేంద్రం పరిధిలో క్షయ వ్యాధిగ్రస్తుల కు బుధవారం పోషకాహార పంపిణీ చేపట్టారు. ఇద్దరు వ్యాధిగ్రస్తులను దత్తత తీసుకొని వారికి పోషకాహారాన్ని తమ సొంత ఖర్చులతో అందజేశారు. పాలు, కోడిగుడ్లు ఎక్కువగా తీసుకోవడం ద్వారా మంచి పోషకాహారం పొందవచ్చునని వారు తెలియజేశారు. పోషకాహార లేమితో  వచ్చే క్షయ వ్యాధిని పోషకాహారం అధికంగా ఇవ్వడం ద్వారా నివారించవచ్చునని వారు సూచించారు. ఈ కార్యక్రమంలో వైద్య సిబ్బంది యాళ్ల కృష్ణ,  ప్రేమ కుమారి, సాంబమూర్తి, గణేష్, అప్పలనాయుడు తదితరులు పాల్గొన్నారు.