7వ వార్డు లో సైడ్ కాలవలు పరిశీలించిన దినేష్ రెడ్డి

బుచ్చిరెడ్డిపాలెం,ఫిబ్రవరి 10 (ఆంధ్రపత్రిక):ఇదేమి కర్మ మా రాష్ట్రానికి కార్యక్రమం ఏడో వార్డు నాయకులు షేక్ షబ్బీర్ ఆధ్వర్యంలో కోవూరు ఇంచార్జ్ పోలంరెడ్డి దినేష్ రెడ్డి ఖాజా నగర్ కాలనీలో  సైడ్ కాలువలతో పాటు పలు సమస్యలను ప్రజలను అడిగి తెలుసుకున్నారు. ఈ సందర్భంగా ఆయన మాట్లాడుతూ రాష్ట్ర అభివృద్ధిలో వైకాపా ప్రభుత్వం విఫలమైందని త్వరలోనే ప్రజలు తగిన బుద్ధి చెప్పే రోజులుదగ్గర పడ్డాయి అన్నారు. టిడిపి ప్రభుత్వంలో ముస్లిం మహిళలకు కుట్టు మిషన్లు, కాలనీలలో  మసీదులు కటించడం జరిగింది. ఈ ప్రభుత్వంలోప్రజలకు ఉపయోగపడే అభివృద్ధి జరగలేదని  నగర పంచాయతీ కమిషనర్ కూడా పట్టించుకోకుండా ఉండడం సరైన విధానం కాదని తెలియజేశారు. ఈ కార్యక్రమంలో చెముకుల కృష్ణ చైతన్య,మండల నాయకులు ఎం.వి శేషయ్య, బత్తల హరికృష్ణ, ఇజాస్,షాకీర్ కాలేషా,నాయక్ దుగ్గిశెట్టి హరి,తాళ్ల స్వామి, నెల్లూరు ప్రభాకర్ రెడ్డి, మహేష్ నాయుడు,అతహర్ సర్దార్,షేక్ మున్నా తదితరులు పాల్గొన్నారు.