మల్టీబ్యాగర్ డిఫెన్స్ స్టాక్‌తో కాసుల వర్షం. రెండేళ్లలోనే ఏకంగా 1000 శాతం లాభాలు అందించింది. ఈ రెండేళ్లలో రూ.11 నుంచి రూ.129కి పెరిగింది. మరి ఆ ప్రభుత్వ కంపెనీ స్టాక్ మీ దగ్గరుందా?
Multibagger: స్టాక్ మార్కెట్లో ఈ డిఫెన్స్ స్టాక్ అదరగొట్టింది. రెండేళ్లలోనే ఏకంగా 1000 శాతం లాభాలు అందించింది. అదే.. అవాంటెల్ లిమిటెడ్ (Avantel Ltd). ఈ షేర్లు గత రెండేళ్లలో 2021 నవంబర్ 29వ తేదీన రూ. 11. 48 వద్ద ఉండగా.. 2023 డిసెంబర్ 1న మార్కెట్లో రూ. 129 స్థాయికి చేరి ముగిసే సమయానికి రూ. 123 వద్ద స్థిరపడింది. ఈ కాలంలో దాదాపు 1000 శాతం రాబడిని అందించింది. ఈ వ్యవధిలో సెన్సెక్స్ 17 శాతం పెరిగింది. రెండేళ్లలో రూ. 1 లక్ష పెట్టి షేర్లు కొనుగోలు చేసిన వారికి ఏకంగా రూ.10 లక్షల లాభాలు అందాయి.అవాంటెల్ లిమిటెడ్ స్టాక్ గత ఏడాది కాలంలో చూసుకుంటే 328 శాతం లాభపడింది. ఈ సంవత్సరం 2023లో ఇప్పటి వరకు 383. 35 శాతం పెరిగింది. బీఎస్‌ఈలో కంపెనీ మార్కెట్ విలువ రూ. 2,994. 65 కోట్లుగా ఉంది. అవాంటెల్ షేర్లు 0. 3 బీటాను కలిగి ఉన్నాయి. ఇది ఒక సంవత్సర కాలంలో తక్కువ అస్థిరతను సూచిస్తుంది. అవంటెల్ షేర్లు 2022 డిసెంబర్ 23న 52 వారాల కనిష్ట స్థాయి రూ. 21. 98కి పడిపోయాయి. 2023 నవంబర్ 28న 52 వారాల గరిష్ట స్థాయి రూ. 136 కి చేరింది. ప్రస్తుతం 12 శాతం దిగివచ్చి రూ.123 స్థాయి వద్ద ట్రేడింగ్ అవుతోంది.
టెక్నికల్ పారామీటర్లు పరిశీలిస్తే.. అవంటెల్ స్టాక్ ఆర్ఎస్ఐ 75. 8 వద్ద ఉంది. ఇది ఓవర్‌బాట్ జోన్‌లో ట్రేడింగ్‌ను సూచిస్తుంది. అవంటెల్ షేర్లు 5 రోజులు, 20 రోజులు, 50 రోజులు, 100 రోజులు, 150 రోజులు, 200 రోజుల సగటు కంటే ఎక్కువగా ట్రేడవుతున్నాయి. గత మూడేళ్లలో 1518 శాతం పెరిగాయి. గత రెండేళ్లలో 1000 శాతం రాబడిని అందించింది. అవంటెల్ నికర లాభం ఈసారి క్యూ2లో 142 శాతం పెరిగి రూ. 16. 7 కోట్లకు చేరింది. గత సంవత్సరం సెప్టెంబర్ త్రైమాసికంలో రూ. 36. 3 కోట్లుగా ఉన్న ఆదాయం 2023 సెప్టెంబర్ త్రైమాసికంలో 50. 41 శాతం పెరిగి రూ. 54. 6 కోట్లుగా నమోదైంది. వైర్‌లెస్ ఫ్రంట్ ఎండ్, శాటిలైట్ కమ్యూనికేషన్, ఎంబెడెడ్ సిస్టమ్స్, సిగ్నల్ ప్రాసెసింగ్, నెట్‌వర్క్ మేనేజ్‌మెంట్, సాఫ్ట్‌వేర్ డెవలప్‌మెంట్, సంబంధిత కస్టమర్ సపోర్ట్ సర్వీస్‌ల తయారీలో అవంటెల్ కంపెనీ సేవలందిస్తోంది.
