ప్రకాశం బ్యారేజీకి కొనసాగుతున్న వరద

విజయవాడ,అక్టోబర్‌ 20 (ఆంధ్రపత్రిక): ప్రకాశం బ్యారేజీకి వరద ప్రవాహం కొన సాగు తూనే ఉంది. బుధవారం సాయంత్రానికి ఎగువ ప్రాంతం నుంచి బ్యారేజికి 3.36 లక్షల క్యూసెక్కుల వరద నీరు వచ్చి చేరుతోందని ఇరిగేషన్‌ అధికారులు తెలిపారు. బ్యారేజి 70 గేట్లు ఎనిమిది అడుగుల మేర ఎత్తి నీటిని దిగువకు విడుదల చేస్తున్నారు. కృష్ణలంక 20, 21 డివిజన్ల పరిధిలోని కరకట్ట దిగువ ప్రాంతం ఇళ్లు రోజుల తరబడి వరద నీటిలోనే నానుతున్నాయి. శ్రీశైలం జలాశయానికి ఎగువ ప్రాంతాల నుండి నీటి ప్రవాహం తగ్గు ముఖం పట్టడం తో ప్రస్తుతం ఏడు గేట్ల ద్వారా నీటిని దిగువకు విడుదల చేస్తున్నారు. బుధ వారం సాయంత్రం ఆరు గంటల సమయానికి ఎగువ జూరాల నుండి 1,01,117 క్యూసె క్కులు, సుంకేసుల ద్వారా 51,732, హంద్రీ నుంచి 117 క్యూసెక్కులతో కలిపి 1,52,9 66 క్యూసెక్కుల నీరు వచ్చి జలాశయానికి చేరుతోంది. జలా శయానికి ఉన్న ఏడు గేట్లను పది అడుగుల మేరకు ఎత్తి 1,94, 922 క్యూసెక్కుల నీటిని దిగువకు విడుదల చేస్తున్నారు