డిగ్రీ కళాశాలలో ‘‘క్లీన్‌ ఇండియా’’ క్యాంపైన్‌

అరకులోయ, అక్టోబర్‌ 19, (ఆంధ్రపత్రిక): స్థానిక ప్రభుత్వ డిగ్రీ కళాశాలలో ‘‘క్లీన్‌ ఇండియా’’ క్యాంపైన్‌ కార్యక్రమాన్ని బుధవారం నిర్వహించారు. జాతీయ సేవా పథకం (ఎన్‌ఎస్‌ఎస్‌) యూనిట్‌`1,2 ఆధ్వ ర్యంలో కళాశాల బోధన, బోధనేతర సిబ్బం ది కళాశాల పరిసరాలను శుభ్రం చేశారు. ఆంధ్ర విశ్వ విద్యాలయం నిర్వాహకుల ఆదేశాల మేరకు కళాశాల ప్రాంగణంలోని చెత్తాచెదారాలు, పిచ్చి మొక్కలను తొలగించారు. అదేవిధంగా అరకులోయ పట్టణంలోని మార్కెట్‌లో పేరుకుపోయిన ప్లాస్టిక్‌ వ్యర్థాలు సేకరించి బస్తాల్లో భద్రపరిచి పెదలబుడు పంచాయతీ పారిశుద్ధ్య సిబ్బందికి అప్పగించారు. సుమారు 60 కిలోలకు పైగా ప్లాస్టిక్‌ వ్యర్థాలను బోధన, బోధనేతర సిబ్బంది తొలగించడం విశేషం. ఈ కార్యక్రమంలో ప్రభుత్వ డిగ్రీ కళాశాల, మహిళా డిగ్రీ కళాశాలల ప్రిన్సిపాల్స్‌ డాక్టర్‌ కె.భరత్‌కుమార్‌ నాయక్‌, సిహెచ్‌.రామకృష్ణ, ఎన్‌ఎస్‌ఎస్‌ పిఒలు పి.నాగబాబు, వై.విజయలక్ష్మి, వైస్‌ ప్రిన్సిపాల్‌ కె.పద్మలత, ఐ.క్యు.ఎ.సి కో`ఆర్డినేటర్‌ డాక్టర్‌ పి.కొండబాబు, అధ్యాపకులు డాక్టర్‌ కె.పుష్పరాజు, పి.సుందరీరాణి, ఎం.అనితకుమారి, ఎవిఆర్‌.ప్రసాద్‌రావు, బి.గురయ్య, ఎన్‌.నాగేశ్వరరావు, ఎస్‌.రాజు, ఎస్‌.అప్పారావు, వి.కామేశ్వరరావు తదితరులు పాల్గొన్నారు.